विराटनगर । कोशी प्रदेशको राजधानी विराटनगरमा CG Digital को नयाँ मल्टिब्रान्ड इलेक्ट्रोनिक्स शोरुम सञ्चालनमा आएको छ। CG Electronics अन्तर्गत सञ्चालित CG Digital ले आफ्नो खुद्रा सञ्जाल विस्तार गर्ने क्रममा नेपालकै सबैभन्दा ठूलो मल्टिब्रान्ड शोरुमका रूपमा प्रस्तुत गरेको नयाँ शोरुम भव्य समारोहबीच उद्घाटन गरेको हो।
नयाँ शोरुमको उद्घाटन नेपाल चेम्बर अफ कमर्स, कोशी प्रदेशका अध्यक्ष राजेन्द्र राउतले रिबन काटेर गरेका हुन्। शोरुम सञ्चालनमा आएसँगै विराटनगर तथा आसपासका क्षेत्रका ग्राहकले विभिन्न राष्ट्रिय तथा अन्तर्राष्ट्रिय ब्रान्डका इलेक्ट्रोनिक्स र घरायसी उपकरण एउटै छानामुनि खरिद गर्न सक्ने कम्पनीले जनाएको छ।
CG Digital ले आधुनिक प्रविधि, गुणस्तरीय उत्पादन र विश्वसनीय ग्राहक सेवामार्फत आफ्नो उपस्थिति विस्तार गर्दै आएको छ। कम्पनीका अनुसार CG Electronics को खुद्रा सञ्जालअन्तर्गत देशभर २८ वटा शोरुम सञ्चालनमा छन्। तीमध्ये २२ वटा CG Digital र ६ वटा LG Brand Shop रहेका छन्।
CG Digital का शोरुममा LG, CG, CG Meridia, TCL, Godrej, Midea, Crompton, Beko, Sensei, Kent, Elica, Black+Decker, Burly र Goodmans लगायतका ब्रान्डका उत्पादन उपलब्ध छन्।
ग्राहकले टेलिभिजन, फ्रिज, वासिङ मेसिन, एयर कन्डिसनर, माइक्रोवेभ ओभन तथा अन्य घरायसी उपकरण खरिद गर्न सक्नेछन्। यसका साथै Nothing, Motorola र Ai+ ब्रान्डका मोबाइल फोनसमेत उपलब्ध हुने कम्पनीले जनाएको छ।
नयाँ शोरुमको शुभारम्भ र विजयादशमीको अवसरमा CG Digital ले ग्राहकका लागि विभिन्न छुट, उपहार तथा पुरस्कार योजना सार्वजनिक गरेको छ।
१. स्पिन एन्ड विन : ३० प्रतिशतसम्म छुट
यस योजनाअन्तर्गत ग्राहकले तत्काल ३० प्रतिशतसम्म छुट प्राप्त गर्ने अवसर पाउनेछन्।
२. बम्पर लक्की ड्र : पाँच जनालाई मोबाइल फोन
बम्पर लक्की ड्र योजनामार्फत पाँच जना भाग्यशाली ग्राहकले मोबाइल फोन जित्ने अवसर प्राप्त गर्नेछन्।
३. प्रत्येक खरिदमा पक्का उपहार
‘सोर सट गिफ्ट’ योजनाअन्तर्गत ग्राहकले खरिद गर्दा पक्का उपहार प्राप्त गर्न सक्नेछन्।
४. शून्य प्रतिशत ब्याजमा किस्ता सुविधा र एक्सचेन्ज
ग्राहकले शून्य प्रतिशत ब्याजदरमा किस्ताबन्दी (ईएमआई) सुविधा लिनुका साथै पुराना इलेक्ट्रोनिक्स तथा घरायसी उपकरण साटेर नयाँ उत्पादन खरिद गर्न सक्नेछन्।
कम्पनीका अनुसार यी अफर लागू हुने नियम तथा सर्तअनुसार उपलब्ध हुनेछन्।
विराटनगरमा नयाँ शोरुम सञ्चालनमा आएसँगै पूर्वी नेपालका ग्राहकलाई विभिन्न ब्रान्डका उत्पादन तुलना गरी आफ्नो आवश्यकता र बजेटअनुसार खरिद गर्न सहज हुने कम्पनीको अपेक्षा छ। नयाँ शोरुमले आधुनिक इलेक्ट्रोनिक्स तथा घरायसी उपकरणको पहुँच विस्तार गर्नुका साथै ग्राहकलाई नवीनतम प्रविधिबारे जानकारी लिन र एउटै स्थानबाट विभिन्न ब्रान्डका उत्पादन छनोट गर्न सहयोग पुर्याउने कम्पनीले जनाएको छ।
‘All Brands Under One Roof’ अर्थात् एउटै छानामुनि सबै ब्रान्ड भन्ने नारासहित अघि बढिरहेको CG Digital ले गुणस्तरीय उत्पादन र ग्राहक सेवामार्फत आफ्नो बजार विस्तार गर्ने लक्ष्य राखेको छ। थप जानकारीका लागि ग्राहकले विराटनगरस्थित CG Digital शोरुममा सम्पर्क गर्न सक्नेछन्।
