काठमाडौं। घरमा स्वच्छ र सुरक्षित पिउने पानीको आवश्यकता बढ्दै गएको अवस्थामा एलजी (LG) ले उन्नत प्रविधियुक्त वाटर प्युरिफायर नेपाली बजारमा ल्याएको छ। पानी शुद्धीकरणसँगै शुद्ध पानीको भण्डारणलाई समेत प्राथमिकता दिँदै कम्पनीले स्टेनलेस स्टिल ट्याङ्की, इन-ट्याङ्की यूभी एलईडी प्रविधि र बहुचरणीय शुद्धीकरण प्रणालीसहितका वाटर प्युरिफायर उपलब्ध गराएको हो।
एलजी वाटर प्युरिफायरको नयाँ रेन्जमा ८ लिटर क्षमताको ३०४ ग्रेड स्टेनलेस स्टिल ट्याङ्की र इन-ट्याङ्की यूभी एलईडी प्रविधि मुख्य विशेषताका रूपमा रहेका छन्। परम्परागत प्लास्टिक ट्याङ्कीको विकल्पका रूपमा प्रस्तुत गरिएको स्टेनलेस स्टिल ट्याङ्की सफा गर्न सहज र टिकाउ हुनुका साथै स्वच्छता कायम राख्न सहयोगी हुने कम्पनीको भनाइ छ।
एलजीले शुद्धीकरणपछि पानीको स्वच्छता कायम राख्न ‘डुअल प्रोटेक्सन एयरटाइट स्टेनलेस स्टिल ट्याङ्की’ प्रणाली समावेश गरेको छ। यसमा रहेको स्टेनलेस स्टिल ट्याङ्कीले पानीको स्वच्छता र ताजापन कायम राख्न सहयोग गर्छ भने एयरटाइट कभर तथा लकिङ प्रणालीले बाहिरी धुलो र अन्य अशुद्ध पदार्थ ट्याङ्कीभित्र प्रवेश गर्ने सम्भावना कम गर्छ।
यस प्रविधिले पानी भण्डारण गर्ने प्रक्रियालाई थप सुरक्षित र व्यवस्थित बनाउँदै परिवारका लागि दैनिक पिउने पानीको स्वच्छता कायम राख्न सहयोग गर्ने कम्पनीले जनाएको छ।
एलजी वाटर प्युरिफायरमा बहुचरणीय पानी शुद्धीकरण प्रणाली समावेश गरिएको छ। मोडलअनुसार यसमा सेडिमेन्ट फिल्ट्रेसन, एन्टी-स्केलेन्ट ट्रिटमेन्ट, कार्बन फिल्ट्रेसन, रिभर्स अस्मोसिस (आरओ) तथा मिनरल बुस्टर वा पोस्ट-कार्बन फिल्ट्रेसनजस्ता प्रविधि प्रयोग गरिएका छन्।
यी प्रविधिले पानीमा रहेका विभिन्न अशुद्धता हटाउने प्रक्रियामा सहयोग गर्छन्। यद्यपि, शुद्धीकरणका चरण तथा विशेषता सम्बन्धित मोडलअनुसार फरक हुन सक्छन्।
एलजीले नेपाली बजारमा WW151NT र WW131NF मोडलका वाटर प्युरिफायर उपलब्ध गराएको छ। दुवैमा ८ लिटर क्षमताको पानी भण्डारण सुविधा रहेको छ। विद्युत् आपूर्ति अवरुद्ध भएको अवस्थामा पनि ट्याङ्कीमा भण्डारण गरिएको पानी प्रयोग गर्न सकिने भएकाले उपभोक्तालाई थप सुविधा मिल्ने कम्पनीको भनाइ छ।
WW151NT मोडलमा पावर, ट्याङ्की फुल, सर्भिस रिमाइन्डर र यूभी इन्डिकेटर रहेका छन्। यस मोडलमा ट्याङ्कीभित्रको यूभी एलईडी प्रणाली प्रत्येक ६ घण्टामा ७५ मिनेटसम्म सञ्चालन हुने व्यवस्था छ।
त्यस्तै, WW131NF मोडलमा पावर र ट्याङ्की फुल इन्डिकेटर उपलब्ध छन्। दुवै मोडलमा ६ हजार लिटरसम्मको फिल्टर लाइफ रहेको कम्पनीले जनाएको छ। यसले फिल्टर परिवर्तन गर्ने आवृत्ति कम गर्न र नियमित प्रयोगलाई सहज बनाउन मद्दत गर्ने अपेक्षा गरिएको छ।
एलजीले वाटर प्युरिफायर खरिद गर्ने ग्राहकका लागि पहिलो वर्षको मर्मतसम्भार सहयोगअन्तर्गत ‘टु फ्री मेन्टेनेन्स’ सुविधा पनि ल्याएको छ। यसअन्तर्गत ग्राहकले दुई पटक निःशुल्क निर्धारित तथा स्वचालित सर्भिस भिजिट, दुई पटक निःशुल्क कन्ट्याक्टलेस मेन्टेनेन्ससहित डिजिटल स्टेरिलाइजेसन केयर र दुईवटा निःशुल्क बाहिरी सेडिमेन्ट फिल्टर प्राप्त गर्नेछन्।
उत्पादन बिक्रीपछि पनि ग्राहकलाई आवश्यक सेवा र हेरचाह उपलब्ध गराउने उद्देश्यले यो सुविधा ल्याइएको कम्पनीले जनाएको छ। यसले वाटर प्युरिफायरको नियमित मर्मतसम्भारलाई सहज बनाउनुका साथै ग्राहकलाई थप सुविधा प्रदान गर्ने अपेक्षा गरिएको छ।
एलजी वाटर प्युरिफायर नेपाली बजारमा एलजी ब्रान्ड सोप, सीजी डिजिटल तथा अधिकृत एलजी विक्रेतामार्फत खरिद गर्न सकिनेछ। ग्राहकका लागि शून्य प्रतिशत ईएमआई किस्ताबन्दी सुविधा पनि उपलब्ध रहेको कम्पनीले जनाएको छ।
त्यसैगरी, चाडपर्वको अवसरमा आकर्षक छुट तथा विशेष अफरहरू पनि सञ्चालनमा रहेका छन्। यसले उपभोक्तालाई आफ्नो आवश्यकता र बजेटअनुसार वाटर प्युरिफायर खरिद गर्न थप सहज बनाउने अपेक्षा गरिएको छ।
उन्नत पानी शुद्धीकरण प्रविधि, स्टेनलेस स्टिल भण्डारण प्रणाली र बिक्रीपछिको मर्मतसम्भार सुविधालाई एकैसाथ प्रस्तुत गर्दै एलजीले नेपाली बजारमा आफ्ना उत्पादनको पहुँच विस्तार गर्ने लक्ष्य राखेको छ।
सीजी कर्प ग्लोबलअन्तर्गतको सीजी इलेक्ट्रोनिक्स नेपालमा एलजी उत्पादनको आधिकारिक राष्ट्रिय वितरक हो। एलजी इलेक्ट्रोनिक्स सिंगापुरसँगको चार दशकभन्दा लामो साझेदारीमार्फत कम्पनीले नेपाली बजारमा एलजीका उपभोक्ता विद्युतीय सामग्री तथा घरेलु उपकरणको वितरण गर्दै आएको छ।
एलजी इलेक्ट्रोनिक्स विश्वव्यापी प्रविधि तथा उपभोक्ता विद्युतीय सामग्री क्षेत्रको अग्रणी कम्पनी हो। कम्पनीले घरेलु उपकरण, गृह मनोरञ्जन तथा वातानुकूलनसम्बन्धी समाधान उपलब्ध गराउँदै आएको छ। अत्याधुनिक प्रविधि, ऊर्जा दक्षता र उपभोक्ताको आवश्यकतामा केन्द्रित डिजाइनलाई प्राथमिकता दिँदै एलजीले विश्वभरका ग्राहकको दैनिक जीवन सहज बनाउने उत्पादन विकास गर्दै आएको छ।
