काठमाडौं । गत सोमबार बसेको मन्त्रिपरिषद् बैठकका निर्णयहरू सार्वजनिक गरिएको छ। बुधबार सरकारका प्रवक्ता तथा सञ्चार तथा सूचना प्रविधि मन्त्री पृथ्वीसुब्बा गुरुङले पत्रकार सम्मेलनमार्फत बैठकले गरेका विभिन्न निर्णयहरू जानकारी गराए।
मन्त्री गुरुङका अनुसार बैठकले १० वटा निर्णयहरू गरेको छ। तीमध्ये प्रमुख निर्णयमा भौतिक पूर्वाधार तथा यातायात मन्त्रालय र त्यसअन्तर्गतका निकायहरूको संगठन तथा व्यवस्थापन सर्वेक्षण गर्न पूर्वस्वीकृति दिने विषय रहेको छ।
यस्तै, बैठकले केही मन्त्रालयका काम, कर्तव्य र जिम्मेवारी थप स्पष्ट बनाउने निर्णय गरेको छ। साथै विभिन्न क्षेत्रका पूर्वाधार विकास, प्रशासनिक सुधार, कानूनी व्यवस्था र नीतिगत विषयसम्बन्धी निर्णय पनि भएको मन्त्री गुरुङले बताए। सरकारले बैठकमा गरेका बाँकी निर्णयहरूको विवरण मन्त्रालयमार्फत क्रमशः सार्वजनिक गरिने भएको छ।
