काठमाडौं : गर्मीयाममा पाइने लोकप्रिय तरकारीमध्ये सजिवन (ड्रमस्टिक) पोषणले भरिपूर्ण मानिन्छ। प्रोटिनको राम्रो स्रोतका रूपमा चिनिने यस तरकारीले शरीरलाई अनेक रोगबाट बचाउने क्षमता राख्छ। तर, केही व्यक्तिका लागि यसको सेवन स्वास्थ्यका लागि हानिकारक हुन सक्छ।
विशेषज्ञका अनुसार हरेक फलफूल र तरकारीका फाइदा र बेफाइदा हुन्छन्। सजिवन पनि त्यस्तै हो — जहाँ केही अवस्थाहरूमा यसलाई खानु जोखिमपूर्ण हुन सक्छ।
यी व्यक्तिहरूले सजिवन सेवन गर्नु हुँदैन:
-गर्भवती महिला:
सजिवनको प्रकृति तातो हुने भएकाले गर्भवती महिलाले यसको अत्यधिक सेवन गर्दा गर्भमा असर गर्न सक्छ। साथै, अत्यधिक रक्तस्राव हुने महिलाहरूका लागि पनि यो हानिकारक हुन सक्छ।
-निम्न रक्तचाप (Low BP) भएका व्यक्ति:
सजिवन उच्च रक्तचाप घटाउन सहयोगी भएकाले लो बीपी भएका व्यक्तिले सेवन गरेमा रक्तचाप झन् घट्न सक्ने खतरा रहन्छ।
-ग्यास्ट्रिक वा अल्सरका रोगी:
ग्यास वा अल्सरको समस्या भएका व्यक्तिहरूले सजिवनको सेवनबाट बच्नुपर्छ, किनभने यसले तिनको अवस्थालाई झन् जटिल बनाउन सक्छ।
-स्तनपान गराइरहेकी महिला:
सजिवनको केही तत्वले स्तनपान गराइरहेकी महिलामा असर पुर्याउन सक्ने सम्भावना भएकाले यस्ता अवस्थामा समेत यसको सेवन सावधानीपूर्वक वा डाक्टरको सल्लाह अनुसार गर्नुपर्छ।
पोषणले भरिएको सजिवन सही तरिकाले र सही व्यक्तिले सेवन गरेमा लाभदायक भए पनि, उपयुक्त अवस्थाको ख्याल नगरेमा यसले हानि पुर्याउन सक्छ। तसर्थ, स्वास्थ्य अवस्था अनुसार यसको सेवन गर्न आवश्यक सर्तकता अपनाउन विज्ञहरूले सुझाव दिएका छन्।
