काठमाडौं । गर्मीको मौसममा आँपको स्वादले जति मुटु जित्छ, त्यति नै बेवास्ता गरिन्छ यसको बीउलाई। स्वादिलो, रसीलो र सुगन्धित आँप खाएपछि धेरैजसो मानिसले यसको बीउ फालिदिन्छन्। तर, थाहा पाउनुहोस्—आँपको दाना पनि स्वास्थ्यका लागि उत्तिकै उपयोगी हुन्छ।
आयुर्वेदमा वर्षौंदेखि औषधीय रूपमा प्रयोग हुँदै आएको आँपको बीउमा पाचन शक्ति सुधार्ने, रोग प्रतिरोधात्मक क्षमता बढाउनेदेखि कपाल र छालासम्मका फाइदा पाइन्छन्। यहाँ प्रस्तुत छन् आँपको दानाबाट पाइने पाँच प्रमुख स्वास्थ्य लाभ:
आँपको दानाको पाउडर झाडापखाला र लुज मोशनजस्ता पाचनसम्बन्धी समस्यामा निकै असरदार मानिन्छ। यसले आन्द्रालाई बलियो बनाउने काम गर्छ। सुकाएर पाउडर बनाएर महसँग एक चुट्की सेवन गर्न सकिन्छ।
आँपको दानामा फाइबर र एन्टिअक्सिडेन्ट भरपूर पाइन्छ, जसले शरीरको खराब कोलेस्ट्रोल (LDL) घटाउँछ र मुटुको स्वास्थ्यलाई जोगाउँछ।
यसमा पाइने यौगिकहरूले रगतमा चिनीको मात्रा सन्तुलनमा राख्न मद्दत गर्छ। इन्सुलिनको कार्यक्षमता सुधार गर्न पनि यसको भूमिका हुन्छ।
आँपको दानाबाट निस्कने तेलले कपाललाई पोषण दिन्छ, चम्किलो र मजबुत बनाउँछ। छालालाई नमी प्रदान गरेर झुर्रियाँ कम गर्न सहयोग गर्छ।
बीउमा हुने फाइबरले भोक कम गर्छ र मेटाबोलिज्मलाई सक्रिय बनाउँछ। यसको पाउडर पानीमा घोलेर सेवन गर्दा बोसो कम गर्न सहयोग पुर्याउँछ।
अबदेखि आँपको मजा लिँदालिँदै त्यसको दानालाई पनि उपयोगी रूपमा प्रयोग गर्न नबिर्सनुहोस्—किनभने यो तपाईंको स्वास्थ्यका लागि सस्तो, सजिलो र प्राकृतिक उपाय हुन सक्छ।
