काठमाडौं : अस्वस्थ खानपान र जीवनशैलीका कारण मिर्गौला रोगका बिरामी बढ्दै गइरहेका छन्। मिर्गौलाले रगतबाट विषाक्त पदार्थ हटाउने र शरीरमा तरल सन्तुलन कायम राख्ने महत्त्वपूर्ण काम गर्छ। त्यसैले यसको स्वास्थ्यमा ध्यान दिनुपर्छ।
मिर्गौला स्वस्थ राख्न मद्दत गर्ने ४ खानेकुरा यसप्रकार छन्-
१. जडीबुटी
ओरेगानो, अजमोद र सिलेन्ट्रो जस्ता जडीबुटीमा प्रशस्त एन्टिअक्सिडेन्ट पाइन्छ, जसले फ्री रेडिकल हटाएर मिर्गौलालाई क्षति हुनबाट बचाउँछ। यीले खानाको स्वाद मात्र नभई स्वास्थ्यमा पनि लाभ पुर्याउँछन्।
२. चुकन्दर
चुकन्दरमा पाइने नाइट्रेटले रक्तचाप घटाउन मद्दत गर्छ, जसले उच्च रक्तचापका कारण हुने मिर्गौला समस्या कम गर्न सहयोग पुर्याउँछ। यसमा फाइबर, फोलेट, भिटामिन सी र बेटालेन एन्टिअक्सिडेन्ट पनि हुन्छन्, जसले मिर्गौलालाई अक्सिडेटिभ तनावबाट जोगाउँछ।
३. ब्लूबेरी
पोटासियम कम र एन्टिअक्सिडेन्ट धेरै भएको ब्लूबेरी मिर्गौला रोगीका लागि उपयुक्त हुन्छ। यसमा भिटामिन सी, फाइबर र एन्थोसायनिन हुन्छ, जसले सूजन कम गर्न र पाचन सुधार गर्न मद्दत गर्छ।
४. म्याकाडामिया नट्स
फस्फोरस कम र स्वस्थ बोसो धेरै भएको म्याकाडामिया नट्स मिर्गौला र मुटु स्वास्थ्य दुवैका लागि फाइदाजनक हुन्छ। यसमा मोनोअनस्याचुरेटेड फ्याट, प्रोटिन र फाइबर प्रशस्त पाइन्छ, जसले शरीरलाई ऊर्जा दिन्छ।
यी खानेकुरा नियमित रूपमा सेवन गर्दा मिर्गौला मात्र होइन, समग्र स्वास्थ्यमा पनि सकारात्मक प्रभाव पर्छ।
