काठमाडौं।झन्डै ६१ किलो सुन तस्करीमा संलग्न अमला रोकाविरुद्ध अन्तर्राष्ट्रिय प्रहरी सङ्गठन ‘इन्टरपोल’ले डिफ्युजन नोटिस जारी गरेको छ ।
उनीविरुद्ध इन्टरपोलले फेब्रुअरी ५ मा डिफ्युजन जारी गरेको हो ।हङकङबाट काठमाडौं ल्याएको ६० किलो ७ सय १६ ग्राम सुन तस्करीमा रोका संलग्न देखिएको सीआईबीको अनुसन्धान निष्कर्ष छ ।
रोल्पा घर भएकी अमला तिब्बतीयन मूलका बेल्जियन नागरिक दावा छिरिङकी पत्नी हुन् ।पतिकै कारण उनी सुन तस्करीमा जोडिएको प्रहरीको अनुसन्धान निष्कर्ष छ । दावा अहिले सुन प्रकरणमा थुनामा छन् ।अमला विरुद्ध डिफ्युजन नोटिस जारी भएको सीआईबीले जनाएको छ ।
यसअघि साउन २ गते राजस्व अनुसन्धान विभागले त्रिवि विमानस्थल भन्सार राजश्व जाँच पास गरेर बाहिरिएको झन्डै ६१ किलो सुन बरामद गरेको थियो ।
