– सरस्वती श्रेष्ठ सरू-
आँखी लाएँ गाजलु
चट्ट कपाल कोरी
बाआमाकी प्यारी म
घरकी सानी छोरी
काली उस्ती छैन रे
भन्छन् गहुँगोरी
दादाभन्दा राम्री म
घरकी सानी छोरी
नुनु गर्दा सुनेकी
हजुरमाको लोरी
नजाने नि गाउँछु म
घरकी सानी छोरी
आमासँग मिलेर
हाँस्दै कुम जोरी
काम सघाउँछु म
घरकी सानी छोरी
माया गर्छन् सबैले
अचेल स्कुलभोरी
पढी ज्ञानी बन्छु म
घरकी सानी छोरी
सिकेकी छु कहिल्यै
खान हुन्न चोरी
बोल्ने छैन ढाँटी म
घरकी सानी छोरी
आमाजस्तै बन्ने हो
लगाई फुर्के डोरी
नक्कली छु साह्रै म
घरकी सानी छोरी ।
– पोखरा
