काठमाडौं । हाम्रो भान्सामा दैनिकजसो बनाइने रोटी प्रायः गहुँको पिठोबाट तयार पारिन्छ। तर, यदि तपाईं कब्जियतको समस्याबाट पीडित हुनुहुन्छ भने गहुँको पिठोमा बेसन मिसाएर बनाएको रोटी सेवन गर्नु अत्यन्तै लाभदायक हुन सक्छ।
कब्जियत आजको व्यस्त जीवनशैली र असन्तुलित खानपानका कारण सामान्य समस्या बनिसकेको छ। यसका लक्षणहरूमा कठोर दिसा, कम बारम्बार दिसा हुने, मल त्याग गर्दा पीडा वा तनाव महसुस हुनुजस्ता लक्षणहरू देखिन्छन्।
विशेषज्ञहरूका अनुसार कब्जियत मुख्यतः शरीरमा पानीको कमी, आहारमा फाइबरको अभाव, शारीरिक गतिविधिको कमी वा केही औषधिको प्रयोगले हुने गर्छ। यस्ता समस्याबाट छुटकारा पाउनको लागि तपाईंले रोटिमा थोरै परिवर्तन गर्न सक्नुहुन्छ।
गहुँको पिठोमा बेसन मिसाएर रोटी बनाउनुहोस्। यसको लागि गहुँको पिठोमा बेसन मिसाई अलि–अलि पानी हालेर मुछ्नुस् र सामान्य तरिकाले रोटी पकाउनुस्। चाहनुहुन्छ भने स्वादका लागि अलिकति नुन पनि थप्न सक्नुहुन्छ।
यसरी बनाइएको रोटी हल्का हुने हुँदा पेटमा भारीपन लाग्दैन। साथै, बेसनयुक्त रोटी रगतमा चिनीको मात्रा नियन्त्रण गर्न पनि सहायक हुन्छ, जसले मधुमेह भएका व्यक्तिहरूका लागि पनि उपयुक्त विकल्प प्रदान गर्छ।
यस रोटिमा पाइने प्रोटिनले मांसपेशी मजबुत बनाउन र आन्द्राको स्वास्थ्य सुधार्न महत्त्वपूर्ण भूमिका खेल्दछ। अबदेखि रोटी बनाउँदा बेसन मिसाउन नभुल्नुहोस् — यसले तपाईंको पाचन प्रणालीलाई सजिलो बनाउँछ र कब्जियतको समस्या हटाउँछ।
