“क्यान इन्फोटेक २०२५: सूचना प्रविधिको भव्य प्रदर्शनी माघ २४ गतेदेखि सुरु”

“क्यान इन्फोटेक २०२५: सूचना प्रविधिको भव्य प्रदर्शनी माघ २४ गतेदेखि सुरु”

काठमाडौं । नेपालकै सबैभन्दा ठूलो सूचना प्रविधि प्रदर्शनी क्यान इन्फोटेक २०२५ आगामी माघ २४ गतेदेखि काठमाडौंको भृकुटीमण्डपमा सुरु हुने भएको छ। कम्प्युटर एशोसिएसन नेपाल (क्यान) महासंघले आइतबार पत्रकार सम्मेलन गर्दै मेलाबारे जानकारी गराएको हो।

नवीनतम प्रविधिको प्रदर्शनी र गहन छलफल
क्यान महासंघका अध्यक्ष सुनैना पाण्डे घिमिरेका अनुसार प्रदर्शनीमा सूचना तथा सञ्चार प्रविधिमा भर्खरै भित्रिएका नवीनतम प्रविधि तथा सेवाहरूको विशेष प्रदर्शनी गरिनुका साथै सरोकारवालाहरूबीच गहन छलफल हुनेछ। उनले यस वर्षको क्यान इन्फोटेकको उद्घाटन स्मार्ट दियोबाट गरिने जानकारी दिइन्।

प्रदर्शनीका मुख्य आकर्षण
👉 नवीनतम स्टिम शिक्षण उपकरण – अटो सेल्फ ड्राइभिङ कार, जसले स्वचालित सवारी प्रणाली, आर्टिफिसियल इन्टेलिजेन्स (AI), सेन्सर टेक्नोलोजी, र प्रोग्रामिङ जस्ता अत्याधुनिक विषयहरू बुझाउन मद्दत गर्नेछ।
👉 डेटाबोट पर्सनल एसिस्टेन्ट एआई – विद्यार्थीहरूका लागि डेटा साइन्स, रोबोटिक्स, र एआई सम्बन्धी व्यवहारिक सिकाइ उपलब्ध गराउने उपकरण।
👉 LEGO Education Kit – इन्जिनियरिङ, प्रोग्रामिङ, र समस्या समाधान क्षमतामा सुधार ल्याउने व्यवहारिक शिक्षण उपकरण।
👉 विद्यार्थीहरूले तयार पारेका एआई र सफ्टवेयर प्रोजेक्टहरू प्रदर्शनीमा समावेश गरिनेछ।

स्पोन्सर र साझेदारहरू
📌 टाइटल स्पोन्सर – एचएमसी नेपाल हिक्सेमी
📌 सह-शीर्ष प्रायोजक – मर्कन्टाइल अफिस सिस्टम
📌 गोल्ड स्पोन्सर – नेबुला मोबिलिटी (गोगोरो)
📌 सिल्भर स्पोन्सरहरू – एस-पावर बीपीई प्रा. लि. र अनलिमिटेड टेक्नोलोजी प्रा. लि (ज्याप)

टिकट दर र अवलोकनको अपेक्षा
📌 सर्वसाधारण – रु. १००
📌 विद्यार्थीहरू – रु. ५०
📌 जेष्ठ नागरिक, फरक क्षमताका व्यक्ति, १० वर्ष मुनिका बालबालिका तथा सामूहिक अवलोकन (सरकारी/सामुदायिक विद्यालयको सिफारिसमा) – निःशुल्क प्रवेश

१५० स्टल, साढे ३ लाख अवलोकनकर्ता अपेक्षित
यस वर्ष करिब १५० स्टलहरू रहने छन्, जसको ९०% बुकिङ भइसकेको छ। आयोजकहरूले मेलामा साढे ३ लाख अवलोकनकर्ता आउने अपेक्षा गरेका छन्। क्यान महासंघका उपाध्यक्ष चिरञ्जीवी अधिकारीका अनुसार “क्यान इन्फोटेक केवल प्रविधि प्रदर्शनी मात्र नभई आइडिया, स्टार्टअप, र इनोभेसन एक्स्पो पनि हो।”

साइबर सुरक्षा र सरकारी सहयोग
🔹 इन्फर्मेशन सेक्युरिटी रेस्पोन्स टिम नेपाल (NP-CERT) ले साइबर सुरक्षा सहायता डेस्क सञ्चालन गर्नेछ।
🔹 नेपाल सरकारअन्तर्गत सञ्चार तथा सूचना प्रविधि मन्त्रालय, नेपाल दूरसञ्चार प्राधिकरण, नेपाल उद्योग वाणिज्य महासंघ, नेपाल चेम्बर अफ कमर्स, नेपाल उद्योग परिसंघ, सुबिसु लगायतका संस्थाले मेलामा सहयोग गर्नेछन्।

“सूचना प्रविधिमा नेपाललाई आत्मनिर्भर बनाउने अभियानमा क्यान इन्फोटेक महत्वपूर्ण हुनेछ,” आयोजकहरूले बताए।