-टेकनारायण रिमाल “कौशिक”
त्यो रात
हिन्दी सिनेमा
ताजमहल
हेरेर फर्केका थियौँ हामी
एउटो कुरा मान्नुहुन्छ?
एक्कासि सोधेकी थिइन्
बाटोमा उनले
भन के?
मैले भनेको थिएँ
वाचा गर्नुस्
वाचा भो
यदि
म मरिहालिछु भने
एउटा
सानो ताजमहल
बनाइदिनुहोला
मेरो मज़ारमा!
कोशिश गर्नेछु
झीनो स्वीकृति थियो
मेरो….
एउटा
शर्त छ
तिमीलाई
मेरो पनि
मैले भनेको थिएँ
उनीमाथिको
नीलो आकाशलाई हेरेर
भन्नुस् के?
उनले भनेकी थिइन्
वादा गर
वादा भो
जब
जब
मैले पुकार्ने छु
तिमी आउनुपर्ने छ
जुनै लोकबाट पनि
वादा निभाउनुपर्ने छ
कुनै परिस्थितिमा पनि
हस्
गम्भीर स्वरमा स्वीकारेकी थिइन्
उनले…
उफ्,,,,,,,,,
न मैले ताजमहल बनाउन सकेँ
उनको समाधिमा
न उनी आउन सकिन्
मेरो पुकारमा……
तर
हामीले हाम्रो क़सम ज़रूर निभाउने छौँ
मेरो स्वागत गर्नेछिन्
उनी
चाँदको दहलीज़मा
वफ़ाको वरमाला लिएर
हातमा…..
बेशुमार
प्यारको ताज
पहिराइदिने छु
म
मेरी मुटुभरिकी
मुमताज़ महलको
माथमा………..
Take Narayan Rimal Kaushik
26th street. No,42. Lower block. Pabedan township. Yangon, Myanmar