नेपालमा अवसर छैन भनेर विदेशिनेहरुको लागि अथवा नेपालमै केहि गर्थे तर लगानी छैन भन्नेहरुको लागि बसु माया तामाङ राम्रो उदाहरण हुन सक्छिन ।
जसले नेपाली मन उद्योग सञ्चालन गरेर ४०-५० भन्दा बढि महिलाहरुलाई प्रत्यक्ष रोजगारी दिईरहेकी छिन् । उनको उद्योगबाट टिमुरको छोप तथा विभिन्न थरिका अचारहरु उत्पादन हुँदै आईरहेका छन् ।
यी उत्पादनहरु अमेरिका, जापान, यू.के लगायतका देशहरुमा निर्यात हुँदै आईरहेको छ । उनको मासिक विक्री नै १२ – १५ लाख देखि ३० – ४० लाखसम्म हुँदै आईरहेको छ । तर उनको यो सफलता त्यतिकै आएको भने होईन ।
उनी जागिरको लागि कैयाैँ कार्यलयहरु धाइन , खोलाबाट बालुवा बोकिन, उन काटिन, पानीपुरी बेचिन, ठेलामा म स् म बेचिन तर भनेजस्तो सफलता कतै हात लागेन ।
अन्त्यमा १ किलो टिमुरको छोपबाट सुरु भएको उनको यो व्यापारले आज उनलाई ठुलो सफलता दिलाईसकेको छ भने धेरै मान्छेहरुको लागि उनी उदाहरण पनि बनेकी छिन् ।
