काठमाडौँ । आज साउन १ गतेबाट आर्थिक वर्ष २०८२/८३ औपचारिक रूपमा सुरु भएको छ। नेपालमा प्रत्येक वर्ष साउन १ गतेबाट नयाँ आर्थिक वर्ष सुरु हुने प्रचलनअनुसार यो नयाँ वर्षको शुरुवात हो।
वि.सं. २०१८ सालदेखि सरकारले आर्थिक वर्षको प्रारम्भ साउनमा र समापन असारमा हुने गरी व्यवस्था गर्दै आएको हो। यो व्यवस्था अनुसार हरेक वर्ष यही दिनबाट नयाँ राजस्व नीति, शुल्क, जरिवाना र अन्य वित्तीय व्यवस्थाहरू कार्यान्वयनमा जान्छन्।
तीन तहका—संघीय, प्रदेश र स्थानीय—सरकारहरूले प्रस्तुत गरेका बजेटहरू आजदेखि पूर्ण रूपमा कार्यान्वयनमा जानेछन्। यससँगै बजेटमा उल्लेख भएका कार्यक्रम, योजनाहरू, राजस्वका नयाँ दर, कर सम्बन्धी संशोधन तथा नविन योजना कार्यान्वयनमा उत्रनेछन्।
विशेषगरी करका दरहरूमा भएका केही परिवर्तन, जस्तै विलासिता वस्तुमा लगाइएको कर वृद्धि, आजदेखि नै लागू भइसकेका छन्। यसले बजार, उपभोक्ता र व्यापारीहरूमा प्रत्यक्ष असर पार्ने अपेक्षा गरिएको छ।
नयाँ आर्थिक वर्षले सरकारी कार्य सञ्चालनका हिसाबले महत्वपूर्ण मोड लिने समय हो, जसले समग्र विकास, नीतिगत कार्यान्वयन र सार्वजनिक सेवा प्रवाहमा नयाँ दिशा दिने अपेक्षा गरिएको छ।
