काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अहिले गणतन्त्रमाथि कुनै खतरा नरहेको बताएका छन्।
आइतबार विराटनगर विमानस्थलमा सञ्चारकर्मीसँग कुरा गर्दै प्रचण्डले गणतन्त्र संकटमा परेको भनेर अहिले नै गम्भीर निष्कर्षमा पुग्न आवश्यक नरहेको उल्लेख गरे। “दलहरू गणतन्त्रको रक्षाका लागि एक हुनैपर्छ भन्ने भाष्य ठीक होइन,” उनले भने, “तर गणतन्त्रका विषयमा दलहरूबीच विमति भने छैन।”
साथै, प्रचण्डले ठूलो दलको हैसियतले कांग्रेसको नेतृत्वमा सरकार बनेपनि आफूहरूको समर्थन भ्रष्टाचारका मुद्दामा नरहेको प्रस्ट पारे। उनले अहिलेको गठबन्धन संविधानको भावना विपरीत रहेको भन्दै त्यसप्रति समर्थन रहेको चर्चा असत्य भएको बताए।
पूर्व राष्ट्रपतिको राजनीतिमा पुनरागमनको सन्दर्भमा उनले संविधान र कानुनअनुसार कसैले रोक्न नसक्ने उल्लेख गरे। उपराष्ट्रपति नन्द किशोर पुन पार्टीमा सक्रिय हुन इच्छुक भएकाले जिम्मेवारीमा फर्किएको समेत उनले बताए।
