काठमाडौं । मधेश प्रदेशले पीएम कप क्रिकेट प्रतियोगितामा विजयी सुरुवात गरेको छ । मंगलबार सम्पन्न खेलमा मधेशले कोशी प्रदेशलाई १६५ रनको फराकिलो अन्तरले पराजित गरेको हो ।
मधेशले दिएको २८५ रनको लक्ष्य पछ्याउने क्रममा कोशी प्रदेशको ब्याटिङ लय धराशायी भयो । कोशी २२ ओभरमै अलआउट हुँदै मात्र ११९ रनमै समेटियो । मधेशका लागि रुपेश सिंहले ५ विकेट लिए भने राजेश यादवले ३ विकेट लिएर बलिङ आक्रमणलाई सशक्त बनाए ।
यसअघि, टस जितेर पहिला ब्याटिङ गरेको मधेश प्रदेशले ५० ओभरमा ६ विकेट गुमाउँदै २८४ रनको बलियो स्कोर खडा गर्यो ।
यो जितसँगै मधेश प्रदेशले प्रतियोगितामा सशक्त सुरुवात गरेको छ भने कोशी प्रदेशले लगातार दोस्रो हार बेहोरेको छ ।