काठमाडौं। गृह मन्त्रालयले रिक्त रहेका प्रमुख जिल्ला अधिकारी (सीडीओ) पदमा सात जना सहसचिवको सरुवा तथा पदस्थापन गरेको छ।
बिहीबार बिहान गरिएको सरुवा अनुसार धर्मराज जोशी बाँकेको सीडीओ र नरहरि घिमिरे खोटाङको सीडीओ नियुक्त भएका छन्।
त्यस्तै, विजयराज सुवेदी ओखलढुंगाको सीडीओ का रूपमा खटाइएका छन्। सरुवा भएकामध्ये रामकृष्ण अधिकारीलाई नुवाकोटबाट गृह मन्त्रालयमा ल्याइएको छ भने शशीधर घिमिरेलाई नुवाकोट पठाइएको छ।
