मुम्बई । बलिउड अभिनेत्री तथा सैफ अली खानकी पूर्व पत्नी अमृता सिंहले मुम्बईको जुहू क्षेत्रमा करोडौंको विलासी अपार्टमेन्ट किनेकी छिन्। भारतीय सञ्चारमाध्यमका अनुसार उनले यो सम्पत्ति १८ करोड भारुमा किनेकी हुन्।
जग्गा दर्ता निरीक्षकको वेबसाइटमा उपलब्ध कागजातअनुसार अमृताले यो महिनाको सुरुमा उक्त अपार्टमेन्ट खरिद गरेकी हुन्। यो आवास नूतन लक्ष्मी सहकारी आवास समाजको पेनिन्सुला भवनमा अवस्थित छ, जुन रेड–टु–मुभ–इन (तत्काल बस्न मिल्ने) अपार्टमेन्ट हो।
२,७१२.९ वर्ग फिट क्षेत्रमा फैलिएको यस अपार्टमेन्टमा तीनवटा कार पार्किङ सुविधा छ। खरिदको क्रममा अमृताले ३० हजार रुपैयाँ टिकट शुल्कसहित ९० लाख रुपैयाँ स्टाम्प ड्युटी तिरेकी छन्।
अमृता सिंह मात्र नभई वरुण धवन, जान्हवी कपूर, कार्तिक आर्यन र शक्ति कपूरजस्ता बलिउड हस्तीहरू पनि यही क्षेत्रमा बसोबास गर्छन्। शक्ति कपूरकी छिमेकी भएपछि अमृता थप चर्चामा आएकी छिन्।
अमृता सिंहले ‘बेताब’, ‘मर्द’, ‘नाम’, ‘चमेली की शादी’ र ‘राजु बन गया जेन्टलम्यान’ जस्ता चर्चित फिल्महरूमा अभिनय गरेकी छिन्। उनले ‘कलयुग’, ‘शूटआउट एट लोखंडवाला’ र ‘टू स्टेट्स’ जस्ता फिल्महरूमा पनि आफ्नो अभिनय देखाएकी छन्।
व्यक्तिगत जीवनतर्फ, अमृताले सन् १९९१ मा सैफ अली खानसँग विवाह गरेकी थिइन्। तर १३ वर्षपछि, सन् २००४ मा उनीहरू सम्बन्धविच्छेद गरेका थिए। उनीहरूका दुई सन्तान छन्— सारा अली खान र इब्राहिम अली खान।
सन् २०२३ मा ‘कफी विथ करण’ कार्यक्रममा सैफ अली खानकी आमा तथा चर्चित अभिनेत्री शर्मिला ट्यागोरले अमृता र सैफको सम्बन्धविच्छेदबारे बोलेकी थिइन्। उनले भनेकी थिइन्, “जब तिमी लामो समय सँगै बस्छौ र राम्रा बच्चाहरू जन्माउँछौ, कुनै पनि ब्रेकअप सजिलो हुँदैन। म सम्बन्ध जोगाउने प्रयास गरेकी थिएँ, तर सकिनँ।”
