काठमाडौं । सत्तारुढ दलका प्रमुख सचेतकहरूले संसद्मा विचाराधीन विधेयकहरूलाई दुवै सदनबाट अघि बढाउन पहल गर्ने निर्णय गरेका छन्। नेकपा एमालेका मुख्य सचेतक महेश बर्तौलाले जानकारी दिएका छन् कि आइतबार सिंहदरबारमा सत्तापक्षका दलका प्रमुख सचेतकहरूको बैठक बसेको थियो। बैठकमा प्रतिनिधि सभा र राष्ट्रिय सभाका प्रमुख सचेतकहरूको उपस्थिति रहेको थियो।
बैठकपछि बर्तौलाले संघीय निजामती विधेयक र शिक्षा विधेयक लगायतका विधेयकहरूलाई दुवै सदनबाट अघि बढाउन पहल गर्ने निर्णय गरिएको बताए। महत्वपूर्ण विधेयकलाई चालु अधिवेशनमा पारित गरेर अगाडि बढाउने विषयमा पनि छलफल भएको जानकारी दिए।
