काठमाडौँ । आज, मधेश र थारु आन्दोलनका उपलब्धिहरूको रक्षा र सम्बोधनका लागि नागरिक उन्मुक्ति पार्टी (नाउपा) लगायत मधेश केन्द्रित दलहरूको संयुक्त बैठक काठमाडौँमा बस्दैछ। बैठक नाउपाको संसदीय दलको कार्यालय, सिंहदरबारमा दिउँसो १ बजे आयोजना हुनेछ।
बैठकमा दलहरू आठ दलीय मोर्चा गठनको प्रयासमा केन्द्रित हुनेछन् र मोर्चाको कार्यदायित्व, अधिकार र भविष्यका योजनाहरू बारे छलफल गरिने छ। नागरिक उन्मुक्ति पार्टीका नेताहरूका अनुसार, बैठकमा मधेश र थारु आन्दोलनको रक्षाका लागि रणनीतिहरू तय गरिनेछ।
बैठकमा नाउपाका संरक्षक रेशम चौधरीले मधेश केन्द्रित दलहरू बीच धारणा सुसंगत बनाउनका लागि वार्ता गर्ने संकेत दिएका छन्। उनले भने, “हाम्रो मुख्य चासो भनेको नाउपाका एजेन्डा मोर्चामा समावेश हुने हो कि होइन भन्ने कुरा हो।”
बैठकमा जसपा, जनमत पार्टी, जसपा नेपाल, लोसपा, रामुपा नेपाल, तमलोपा, र जनता प्रगतिशील पार्टीका प्रतिनिधिहरू सहभागी हुनेछन्।
