काठमाडौं । नेपाल राष्ट्र बैंकले आगामी आइतबार बैंकिङ प्रणालीबाट ४० अर्ब रूपैयाँ खिच्ने भएको छ। बजारमा तरलता बढेको कारण राष्ट्र बैंकले उक्त रकम उठाउने निर्णय गरेको हो।
राष्ट्र बैंकले आज दिउँसो २ बजे २१ दिनका लागि बोलकबोलको समय तोकेको छ, जसमा बोलकबोल रकम घटिमा १० करोड रूपैयाँ र बढीमा ५ करोड रूपैयाँका निःशेष भागका आधारमा समायोजन गरिनेछ। यसका लागि ब्याज दर पनि बोलकबोलको माध्यमबाट तय हुनेछ।
राष्ट्र बैंकका अनुसार, निक्षेप संकलनका लागि भएको बोलकबोलमा ‘क’, ‘ख’ र ‘ग’ वर्गका बैंक र वित्तीय संस्थाहरू मात्र सहभागी हुनेछन्। बैंकहरूले बोलकबोलमा सहभागिता जनाउँदा आवश्यक रकम र ब्याज दर उल्लेख गर्नु पर्नेछ। सबैभन्दा कम ब्याज दर राख्ने बोलीलाई प्राथमिकता दिइनेछ।
सम्पूर्ण रकम वा आंशिक रकमको बोल स्वीकार वा अस्वीकार गर्ने अधिकार समितिलाई रहनेछ। स्वीकृत बोलपत्रहरूमा रहेको रकम सम्बन्धित बैंकको खातामा जम्मा गरिनेछ। यदि काउण्टर पार्टीको खाता पर्याप्त मौज्दातमा नभएमा, उनीहरुलाई भविष्यका बोलकबोलमा सहभागी हुन रोक लगाइनेछ।
