काठमाडौं । प्रधानमन्त्री केपी शर्मा ओलीले सवारी नियम उल्लंघन गर्ने चालक र जरिवाना लिने ट्राफिक दुवै दंग परेको बताएका छन् । संसद्को हिउँदे अधिवेशनलाई सम्बोधन गर्दै उनले ‘अन द स्पट’ जरिवाना तिर्न सक्ने नयाँ व्यवस्थाले ट्राफिक कारबाही प्रक्रियालाई छिटो, सहज र प्रभावकारी बनाएको बताए ।
“अब जरिवाना तिर्न बैंक वा ट्राफिक कार्यालय धाउनुपर्दैन, नियम उल्लंघन गरेकै ठाउँमा सजिलै भुक्तानी गर्न सकिन्छ,” प्रधानमन्त्री ओलीले भने, “यसले ट्राफिक प्रणालीलाई चुस्त बनाउनुका साथै सेवाग्राहीलाई पनि सहज बनाएको छ।”
🔹 पहिले ट्राफिक कारबाहीमा परेका चालकका कागजात जफत गरी निश्चित अवधिसम्म ट्राफिक कार्यालयमा राख्ने प्रचलन थियो ।
🔹 अब भने ‘अन द स्पट’ जरिवाना तिरेपछि चालकले तुरुन्तै आफ्नो कागजात फिर्ता पाउनेछन् ।
🔹 कागजात फिर्ताका लागि अब बैंक वा ट्राफिक कार्यालय धाइरहनुपर्ने छैन ।
🔹 मोबाइलमा चिट नम्बर वा रसिद नम्बर राखेपछि QR कोड स्क्यान गरी सजिलै जरिवाना तिर्न सकिने व्यवस्था गरिएको छ ।
✅ मादक पदार्थ सेवन गरी सवारी चलाउने, लेन अनुशासन उल्लंघन गर्ने वा रातो बत्ती पार गर्ने चालकहरूलाई भने ‘अन द स्पट’ जरिवानाबाट मुक्त गरिएको छैन ।
✅ यस्ता चालकहरूलाई ट्राफिक जनचेतनामूलक प्रशिक्षण लिन अनिवार्य गरिएको छ ।
✅ प्रशिक्षण पूरा गरेपछि मात्र ट्राफिक प्रहरी महाशाखाबाट कागजात फिर्ता पाइनेछ ।
नयाँ प्रविधिमैत्री व्यवस्थाले ट्राफिक कारबाही प्रक्रियालाई सहज बनाउने र आम नागरिकलाई पनि नियम पालना गर्न प्रेरित गर्ने सरकारको विश्वास छ ।
