काठमाडौं। सिटिजन्स बैंक इन्टरनेशनल लिमिटेड र काठमाडौंको नक्सालस्थित बाइकर्स क्याफेबीच सिटिजन्स बैंकका ग्राहकहरूलाई विशेष छुट दिने समझदारीपत्रमा हस्ताक्षर भएको छ।
यस सहकार्यअनुसार, सिटिजन्स बैंकका कार्डवाहक र मोबाइल बैंकिङ ग्राहकहरूले बाइकर्स क्याफेमा १५% सम्मको छुट पाउनेछन्। बैंकले डिजिटल कारोबारलाई प्रोत्साहन गर्दै नगद कारोबारबाट डिजिटल माध्यमतर्फ ग्राहकलाई आकर्षित गर्ने उद्देश्य राखेको छ।
डिजिटल कारोबारलाई प्राथमिकता
सिटिजन्स बैंकले डिजिटल बैंकिङलाई प्रवर्द्धन गर्दै ग्राहकहरूलाई विभिन्न सुविधाहरू प्रदान गर्दै आएको छ। डिजिटल माध्यमबाट भुक्तानी गर्दा पाइने छुटसम्बन्धी जानकारी बैंकको आधिकारिक वेबसाइटमा उपलब्ध छ।
ग्राहकका लागि नविनतम सुविधा
हालै मात्र विश्व प्रसिद्ध ‘बैंक अफ द इयर २०२४’ उपाधि प्राप्त गरेको सिटिजन्स बैंकले नेपालमै पहिलो पटक फोनपेसँगको सहकार्यमा ‘सिटिजन्स फोनपे क्रेडिट कार्ड’ सञ्चालनमा ल्याएको छ। साथै, मोबाइल बैंकिङ एपमार्फत शेयर आवेदन र सीआरएन नम्बर सेवा पनि ग्राहकहरूको सुविधा अनुसार उपलब्ध गराएको छ।
व्यापक सेवा सञ्जालन
सिटिजन्स बैंकले देशभर ६० जिल्लामा फैलिएका १९७ शाखा, १६२ एटीएम, ३ विस्तारित काउन्टर, र ७४ शाखारहित बैंकिङ इकाइहरूबाट करिब १८ लाख ५० हजार ग्राहकलाई आधुनिक बैंकिङ सेवा प्रदान गर्दै आएको छ।
यस किसिमका सहकार्यहरूले ग्राहकलाई थप सुविधा प्रदान गर्नुका साथै डिजिटल कारोबारलाई अझ सशक्त बनाउने विश्वास बैंकले लिएको छ।
