काठमाडौं। जनता समाजवादी पार्टी नेपाल (जसपा) बाट समानुपातिक सांसद बनेकी हसिना खानले प्रतिनिधिसभा सदस्यको पद तथा गोपनीयताको शपथ लिएकी छन् ।
खानलाई सभामुख देवराज घिमिरेले शुक्रबार सिंहदरबारमा प्रतिनिधिसभा सदस्यको शपथ गराएका हुन् ।जसपाले सांसद मञ्जु शर्मा अन्सारीको निधन भएपछि रिक्त स्थानमा बाँकेकी २७ वर्षीया खानको नाम सिफारिस गरेको थियो । शर्माको चैत ४ गते निधन भएको थियो ।
जसपाबाट समानुपातिक सांसद बनेकी शहनाज रहमानको २०७९ फागुन १३ गते निधन भएपछि रिक्त रहेको स्थानमा मञ्जु सांसद मनोनीत भएकी थिइन् ।