काठमाडौँ, १० असार । प्रधानमन्त्री केपी शर्मा ओली चीनको छ दिवसीय औपचारिक भ्रमण पूरा गरी आज स्वदेश फिर्ता हुनुभएको छ । प्रधानमन्त्री ओली आज बिहान १०ः१५ बजे स्वदेश फर्कनुभएको हो ।
प्रधानमन्त्री ओलीले चीन भ्रमणका क्रममा रेलमार्ग लगायत बिभिन्न सम्झौता गर्नुभएको छ । प्रधानमन्त्री ओली असार ५ गते हिमालय एयरलाइन्सबाट चीन प्रस्थान गर्नुभएको थियो । सोही चार्टर फलाईटबाट उहाँ स्वदेश फर्कनु भएको हो ।
ओलीलाई त्रिभुवन अन्तर्राष्ट्रिय विमानस्थलको अतिविशिष्ट कक्षमा उपप्रधानमन्त्री तथा रक्षामन्त्री ईश्वर पोखरेल, राष्ट्रिय सभाका अध्यक्ष गणेश तिमल्सिना तथा नेकपाका वरिष्ठ नेता माधवकुमार नेपाललगायतले स्वागत गर्नुभएको थियो ।
