काठमाडौं, ६ असार । विश्वकप फुटबलमा दोश्रो चरणका खेल सुुरु भएका छन् । समूह चरणका पहिला खेल सकिएपछि दोश्रो चरणमा आज बुधबार पोर्चुगल र मोरक्को, उरुग्वे र साउदी अरबिया, इरान र स्पेनबीच प्रतिस्पर्धा गर्दैछन् । नेपाली समय अनुसार साँझ पौने ६ बजे पोर्चुगल र मोरक्कोबीच खेल हुदैछ । त्यसैगरी दोस्रो खेलमा पौने ९ बजे उरुग्वे र साउदी अरबिया भिड्दैछन् भने राती पौने १२ बजे इरान र स्पेनबीच प्रतिस्पर्धा हुदैछ ।
समूूह बीमा रहेको पोर्चुगलको तालिकामा १ अंक छ भने मोरक्कोले खाता खोल्न सकेको छैन । जसले गर्दा आजको खेल दुवै टिमलाई जित्नै पर्ने दबाब छ । यस्तै समुह ए को उरुग्वे र साउदी अरेबिया आमने सामने हुनेछन् । उरुग्वेले पहिलो खेल जितेकाले आजको खेल कम्तिमा बराबरी गरेमात्रै प्रि क्वार्टर फाइनलमा प्रबेश गर्ने छ । तर पहिलो खेलमा घरेलु टोली रसियासँग फराकिलो अन्तरले पराजित भएको साउदीलाई प्रतियोगितामा टिकिरहन आजको खेल जित्नै पर्ने छ ।
आज उरुग्वे विजयी अथवा बराबरी भए मात्रै पनि अन्तिम १६ मा पुुग्दा इजिप्ट र साउदी प्रतियोगिताबाट बाहिरिने छन् । आजै राति पौने १२ बजे समुुह बीको इरान र स्पेन भिड्ने छन् । आजको खेलमा इरान विजयी भए अन्तिम १६ को यात्रा सहज हुने छ । यसैगरी पहिलो खेलमा पोर्चुुगलसँग बराबरीमा रोकिएको स्पेनलाई पनि प्रतियोगितामा टिकिरहन इरानलाई हराउनै पर्ने दबाब छ ।
