काठमाडौं, २५ जेठ । मूल्यवृद्धिको विरोधमा नेपाली कांग्रेसकाे भातृ संस्था नेवि संघले काठमाडौंको मीनभवनमा प्रदर्शन गरेको छ ।
नेविसंघ नेपाल कमर्स क्याम्पस मीनभवन इकाइले अाज बिहान साढे ९ बजेदेखि मीनभवन चोकमा विरोध प्रदर्शन गरेको हो । नेविसंघको विरोधका कारण त्यस क्षेत्रमा केहीबेर यातायात प्रभावित भएको थियो ।
नेपाल आयल नियमले पेट्रोलियम पदर्थमा गरेको मूल्यवृद्धि फिर्ता गर्न माग गर्दै नेविसंघ कार्यकर्ताले केहीबेर नाराबाजी गरेका थिए । नेविसंघको विरोध कार्यक्रम शान्तिपूर्ण रूपमा सम्पन्न भएको महानगरीय प्रहरी वृत्त बानेश्वरले जनाएको छ ।
