रोयल च्यालेन्जर्स बैंग्लोर विरुद्धको खेलमा डेब्यू गरेका नेपाली युवा बलर सन्दिप लामिछानेले मौका पाएकोमा खुसी देखिएका छन्। नेपाली खेलाडी सन्दीप लामिछानेले इन्डियन प्रिमियर लिग (आइपीएल) क्रिकेटमा प्रभावशाली सुरुवात गरेका छन् । सन्दिपले चार ओभर बलिङ गर्दै ६।२५ को औशतमा २५ रन खर्चिएर १ विकेट पनि लिए । यो खेलमा सन्दिप सबैभन्दा किफायती बलर समेत बने । सन्दिपले आफ्नो दोस्रो ओभरमा पार्थिव पटेललाई एलबीडब्ल्युको धरापमा पारे ।
पहिलो ओभरमा सन्दिपले तीन वटा डट बल फाल्दै ६ रन दिएका थिए । टिमको तेस्रो र आफ्नो दोस्रो ओभरमा सन्दिपले चौथो बलमा पार्थिव पटेललाई एलबीडब्ल्युको धरापमा पारे । उनले दोस्रो ओभरमा ५ रनमात्र दिए । रोयल च्यालेञ्जर्स बैंग्लोरविरुद्ध पहिला ब्याटिङ गर्दै १८१ रनको योगफल रक्षा गर्ने क्रममा सन्दिपले किफायती ओपनिङ गरेका थिए । तर दिल्ली ५ विकेटले पराजित भयो
