मेष राशिकाे लागि साप्ताहिक फलादेश
आइतबार बिहान पराक्रम स्थानमा रहेको चन्द्रमा त्यसैदिन चतुर्थ भावमा प्रवेश गर्ने छ । त्यसैले साताको प्रारम्भमा केही घरायसी प्रयोजनका समस्यासँग जुध्दै अघि बढ्नु पर्ने परिस्थिति छ । आइतबार र सोमबार घरपरिवार र छरछिमेकमा असमझदारी बढ्न सक्छ । मिहिनेत र परिश्रम व्यर्थै खेर जान सक्छ । तर त्यसपछि साताको उत्तरार्द्धसम्म शुभ समय छ । बौद्धिक र लेखनकार्यमा सफलता प्राप्त हुने योग छ । मनोरञ्जनका लागि राम्रै समय छ । साताको अन्त्यमा छैटौं भावमा चन्द्रमा पुग्नाले पुनः सहयोगी हातहरू पछि हट्न सक्छन् । गरिएका उद्यममा सफलता प्राप्त हुनेछैन । शत्रुले छवि बिगार्ने प्रयास गर्नेछन् । जीवनसाथीसितको सम्बन्धमा नकारात्मकता देखिनसक्छ । सवारी साधनबाटसमेत हानि पुग्नसक्छ ।
बृष राशिकाे लागि साप्ताहिक फलादेश
आम्दानी बढ्ने र उठ्नुपर्ने रकम हातलागी हुने समय छ । कृषि तथा पशुधनबाट लाभ लिन सकिने छ, त्यस्तै बन्दव्यापारमा समेत प्रशस्त फाइदा हुने योग छ । गरेका कामबाट राम्रै लाभ हुनेछ । श्रमको उचित मूल्याङ्कन होला । व्यवसायिक क्षेत्र सफल रहने छ, आम्दानीमा कमी आउने छैन । दैनिक कामहरू सन्तोषजनक ढंगले सम्पन्न हुनेछन् । अर्थलाभका अवसर आउने छन् । राजनैतिक चासो पनि बढ्नेछ । तीर्थव्रत तथा देवालयको भ्रमण हुन सक्छ । तर मङ्गलबार र बुधबारका दिन परिवारमा मतभेद हुने समय छ । तर पुनः साताको अन्त्यमा समय उत्साहवर्द्धक रहने छ । अध्ययन अध्यापन सफल रहेको छ । सन्तानपक्षबाट राम्रै सरसहयोग प्राप्त हुनेछ ।
मिथुन राशिकाे लागि साप्ताहिक फलादेश
आफ्नै राशिमा रहेको चन्द्रमाका साथमा साताको प्रारम्भ भएकाले यो साता तपाईंका लागि उपलब्धीपूर्ण रहने संकेत छ । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाउनु हुनेछ । आर्थिक पक्ष सुदृढ बन्नेछ । न्यायिक वा प्रतियोगितात्मक क्रियाकलापमा विजय प्राप्त हुनेछ । परिवारमा ठूलो जमघट वा धार्मिक सामाजिक कार्य सम्पन्न हुनेछ । विशिष्ट व्यक्तिले विचारको कदर गर्नेछन्, महत्वपूर्ण कार्य सम्पन्न हुने मौका छ । मानप्रतिष्ठा र सामाजिक मर्यादामा अभिवृद्धि हुनेछ । दार्शनिक र आध्यात्मिक विषयवस्तुप्रति आकर्षित हुनुहुनेछ । भाइबहिनीका तर्फबाट खुसीको खबर प्राप्त हुनेछ । व्यावहारिक र सामाजिक जिम्मेबारी थपिनेछ । तर साताको अन्त्यमा मनमा दोधारको अवस्था हुनसक्छ । आफूले ताके अनुरूप काम नबन्नाले दिक्क लाग्नेछ ।
कर्कट राशिकाे लागि साप्ताहिक फलादेश
आइतबार अपराह्नसम्म खर्चभावमा चन्द्रमा रहने छ, फजुलखर्चमाथि नियन्त्रण गर्नु राम्रो हुन्छ । त्यसपछि आफ्नै राशिमा चन्द्रमाको आगमन हुने हुँदा राम्रो समय छ । आफ्नो विचार र योजनालाई रचनात्मक रूप प्रदान गर्ने प्रयास गर्दा राम्रो हुनेछ, यस अवधिमा सुरु गरिएको क्रियाकलापले दीर्घकालिक फाइदा पुग्नेछ । आर्थिक क्षेत्र सबल रहने छ । बन्दव्यापारबाट राम्रो फाइदा लिन सकिन्छ । भौतिक साधनको जोहो हुनाका साथै मनोरञ्जनात्मक क्रियाकलापमा सक्रिय हुने अवसर जुट्ने छ । वैदेशिक क्षेत्रबाट लाभ लिने मौका छ । मातापिता र अभिभावक वर्गसँगको सम्बन्धमा सुधार आउने छ । ढिलै भए पनि तपार्इंले भने जसरी नै काम सम्पन्न हुनेछ । स्वास्थ्यमा सकारात्मक सङ्केत देखिने छ । जिम्मेबारी वहन गर्नु पर्नेछ, उत्साहपूर्वक काम गर्नुहोला ।
सिंह राशिकाे लागि साप्ताहिक फलादेश
साताको प्रारम्भमा सुखद समाचार सुन्न पाइनेछ । स्वास्थ्य सबल रहनेछ र काममा पनि फाइदाको योग छ । तर आइतबार र सोमबार बाह्रौं भावमा चन्द्रमाको उपस्थिति हुने भएकाले आर्थिक क्रियाकलापमा सचेत हुनु जाति हुन्छ । तर मङ्गलबारपछि साताको अन्त्यसम्म राम्रो समय छ, नयाँ योजना कार्यान्वयन गर्ने र दीर्घकालीन योजना बनाउने समय हो । वैदेशिक यात्रा गर्ने योजनामा हुनुहुन्छ भने प्रयास गर्न अनुकूल हुनेछ । कृषिजन्य व्यवसायबाट राम्रो आर्थिक उपार्जन हुने समय छ । पढाइमा प्रगति हुनेछ । मिष्ठान्न भोजनको अवसर प्राप्त हुने योग छ । गहना, कपडा वा धातुको कुनै वस्तु खरिद गर्दा लाभ प्राप्त हुनेछ । कार्य सफल हुँदै जानेछ । रमाइलो यात्रा हुन सक्छ । पुराना साथीभाइसित भेटघाट हुनसक्छ ।
कन्या राशिकाे लागि साप्ताहिक फलादेश
कर्मप्रति वफादार रही काम गरेमा उचित प्रतिफल प्राप्त हुने समय छ । साताको प्रारम्भमा नोकरी अथवा व्यवसायसँग सम्बद्ध कुनै ठोस परिणाम देखा पर्नेछन् । तपाईंका सम्पूर्ण उद्यम र परिश्रमको राम्रो प्रतिफल प्राप्त हुनेछ । भाइबहिनी वा सन्ततिका तर्फबाट खुशीको खबर प्राप्त हुने छ । आर्थिक रूपमा सबल हुनुहुनेछ, कारोबारमा गतिशीलता आउने छ र व्यवसायबाट लाभ हुनेछ । मायाप्रेमका लागि समय जुट्ने छ । पठनपाठनमा प्रगति हुनेछ । तर मङ्गलबार र बुधबार अनुकूल दिन हुने छैनन् । यात्रा घातक बन्नसक्छ । आम्दानीका मार्ग अवरुद्ध हुनेछन् । पुनः साताको अन्त्यमा मन उत्ताउलो र अधैर्य बन्नसक्छ, संयम हुनु राम्रो हुन्छ । चिन्तनमनन र अध्यात्मप्रति आकर्षित हुँदा राम्रो हुनेछ ।
तुला राशिकाे लागि साप्ताहिक फलादेश
भाग्यस्थानको चन्द्रमाका साथमा साताको प्रारम्भ भएको छ, सामाजिक उत्तरदायित्व वहन गर्ने समय छ । परोपकार र धार्मिक क्षेत्रमा लगानी गरेमा अझ राम्रो हुनेछ । नयाँ काम र जिम्मेवारी हात पार्ने मौका छ । प्राविधिक काममा विशेष सफलता प्राप्त हुने छ साथै आत्मसन्तुष्टि प्राप्त हुनेछ । मातापिता र अभिभावकवर्गको आशीर्वादले काम गर्न सक्छ । आम्दानी बढ्ने र उठ्नुपर्ने रकम हातलागी हुने समय छ । कृषि तथा पशुपालनमा कम र व्यापारमा प्रशस्त फाइदा हुने योग छ । गरेका कामबाट राम्रै लाभ हुनेछ । श्रमको उचित मूल्याङ्कन होला । पढाइमा प्रगति हुनेछ । यो समय विशेष महत्वको समय हुनेछ । तर शुक्रबारपछि अनुकूल समय रहने छैन, सोचेअनुसार लाभ हुनेछैन, धनसङ्ग्रहका क्षेत्रमा बाधा छ ।
बृश्चिक राशिकाे लागि साप्ताहिक फलादेश
आइतबार बिहान कष्टभावमा चन्द्रमा रहेकाले उक्त दिन सचेतता अपनाउन सके साता उपलब्धीपूर्ण र परिणादायी नै रहने छ । सोमबारपछि सुखसुविधा र मनोरञ्जनमा भुलिने समय छ । धार्मिक, सामाजिक वा सांस्कृतिक काममा खट्नु पर्ने समय पनि हो, जसबाट प्रशंसा र शुभ कुराको सङ्केत प्राप्त हुनेछ । परोपकार र धार्मिक क्षेत्रमा लगानी गरेमा अझ राम्रो हुनेछ । कतै लामो दूरीको लाभदायी यात्रा गर्नु छ भने राम्रो हुन्छ । व्यवसायिक क्षेत्रबाट राम्रो लाभ प्राप्त हुनेछ । साथीहरूसित मनोरञ्जन गर्ने अवसर जुर्नेछ । बौद्धिक प्राज्ञिक गतिविधिमा संलग्न हुनेपर्ने छ । समग्रमा यो साता आफ्नो काममा तल्लीन हुनुपर्ने भएकाले समय बितेको पत्तो पाउनु हुन्न, तर श्रमिक, पशुपालक र कृषकले अलि बढी थाकेको अनुभूति गर्नेछन् ।
धनु राशिकाे लागि साप्ताहिक फलादेश
आइतबारको दिन मनोरञ्जनपूर्ण समय रहनेछ । तर सोमबार र मङ्गलबार निकै सचेत र सतर्क रहनु आवश्यक छ । दिमागमा भ्रम र शङ्काको भूत जाग्ने छ । झैझगडा र मुद्दामामिलाभन्दा टाढै बस्नु उचित हुनेछ । बुधबारपछि साताको अन्त्यसम्म पुनः अनुकूल समय रहने छ । परोपकार र धार्मिक क्षेत्रमा लगानी गरेमा राम्रो हुनेछ । साथीभाइसित भेटघाट हुनुका साथै मनोरञ्जनात्मक काममा संलग्न भइने छ । दाजुभाइ र दिदीबहिनीले दिएको सुझावलाई पालना गर्दा लाभ प्राप्त हुनसक्छ । व्यवसायिक क्षेत्रमा खासै फेरबदल हुने योग छैन । आम्दानीमा कमी आउने छैन । प्रतिस्पर्धीहरूमाथि विजय प्राप्त हुने छ । विगतमा गरिएको श्रमको समुचित मूल्याङ्कन हुनेछ । साताको उत्तरार्द्ध धैर्यधारण गरी परिश्रम गर्ने समय हो ।
मकर राशिकाे लागि साप्ताहिक फलादेश
साताको प्रारम्भमा तर्क, बहस र छलफलमा दिन बिताउनु पर्नेछ । प्रतिस्पर्धी र शत्रुहरूको चलखेल बढ्नाले केही चुनौती र अपठ्याराको सामना गर्नुपर्छ । यद्यपि यो साता हाँसखेल, भ्रमण र मनोरञ्जनका क्रममा समय बित्नेछ । घरपरिवारका सदस्य र साथीभाइसँग मतभिन्नता भएपनि अन्त्यमा उनीहरू सकारात्मक देखिने छन् । जीवनसाथी वा आमाको सल्लाहमा गरिएको काममा सफलता प्राप्त हुनेछ । तर मङ्गलबार र बुधबार राम्रो समय छैन, खानपानमा नियन्त्रण गर्नु बेस हुनेछ, स्वास्थ्यमा नकारात्मक असर पर्न सक्छ । साताको अन्त्यमा धार्मिक तथा परोपकारजन्य क्रियाकलापबाट प्रतिष्ठा पाइनेछ । रोकिएको काम बनेको समाचार सुन्न पाउने सम्भावना समेत छ । आफन्त वा साथीभाइले निस्वार्थ भावले सहयोग गर्नेछन् । नयाँ ज्ञान प्राप्त हुनेछ ।
कुम्भ राशिकाे लागि साप्ताहिक फलादेश
सुरुमा सन्तति पक्ष र भाइबहिनीले खुसीको वातावरण सिर्जना गर्नेछन् । लेखन, प्रकाशन र ज्ञानगुनका क्षेत्रमा सक्रियता बढ्ने छ । तर आइतबार अपराह्नपछि सोमबार बेलुकीसम्म सहयोगी हातहरू पछि हट्न सक्छन् । मनमा अशान्ति र छटपटी व्याप्त हुने छ । मनोरञ्जनात्मक क्रियाकलापबाट हानि पुग्ने सम्भावना छ । तर मङ्गलबारपछि मनोरञ्जक र विलासी समय रहने छ, प्रणयसम्बन्ध र रतिरागका लागि उचित समय छ । आनन्द र रमणीयताका लागि समय र धन खर्च हुन सक्छ । साताको अन्त्यमा अष्टम भावमा चन्द्रमा रहने हुँदा सतर्कता अपनाउनु राम्रो हुन्छ । अनावश्यक यात्रा तथा गुप्त र मानसिक रोगले सताउन सक्छ । किसिमकिसिमका समस्यासित जुध्नु पर्ने परिस्थिति छ । लेनदेनमा विवाद हुनेछ ।
मीन राशिकाे लागि साप्ताहिक फलादेश
प्रारम्भमा घरायसी प्रयोजनका खर्चको मात्रा ह्वात्तै बढ्न सक्छ । शरीरमा आलस्य जाग्नेछ । काम गर्न जाँगर लाग्दैन । यद्यपि आइतबार बेलुकीदेखि सन्ततिपक्षबाट खुसीको समाचार प्राप्त हुने छ । आफन्तले प्रशंसा गर्नेछन् । मन प्रफुल्ल र उत्साही बन्ने छ । घरपरिवारमा रमाइलो जमघट हुने छ । गर्न लागेको काममा सबैले साथ दिनेछन् । मङ्गलबार र बुधबार पुनः प्रतिकूल समय छ । आर्थिक समस्याले सङ्कट उत्पन्न हुनसक्छ । बिहीबार पछि साताको अन्त्यसम्म राम्रो समय छ, प्रशासनिक र राज्यपक्षबाट हुनुपर्ने काममा सफलता प्राप्त हुनेछ । शुभसमाचारको आगमनले मन प्रसन्न रहने छ । शत्रुहरू पराजित हुनेछन् । यश, सम्मान र प्रतिष्ठा प्राप्त हुनेछ । विपरीतलिङ्गीबाट आवश्यक सहयोग मिल्नेछ । मन भोगविलासतर्फ आकर्षित हुने छ ।
-सहप्राध्यापक कृष्णप्रसाद कोइरालाले लेख्नुभएकाे राशिफल ज्याेतिष साथीबाट
