मेष राशिकाे फलादेश
बाह्रौं भावमा रहेको चन्द्रमाका साथमा यस साताको प्रारम्भ भएको छ, त्यसैले तपाईंले जेगरे पनि योजनाबद्ध भई काम गर्नु राम्रो हुन्छ । फजुल खर्च वा बाध्यताकारी खर्चको मात्रामा बृद्धि हुने सम्भावना छ । मनमा पनि स्थिरता र शान्तिको कमी हुनेछ । काम गर्दा अर्काको भर पर्नु हुँदैन, विश्वास गरेका व्यक्तिबाट नै विश्वासघात हुने सम्भावना छ । परिवारमाम किसिमकिसिमका समस्या उत्पन्न हुनाले मन खिन्न हुनेछ । दीर्घकालीन लगानीले पिरोल्न सक्छ । प्रतिकूल समय छ । तर साताको उत्तरार्द्धमा आत्मनिर्णयको क्षमतामा बृद्धि हुनेछ । उद्योग र व्यापारमा विशेष फाइदाको योग छ । सन्तति र भाइबहिनीका पक्षबाट सन्तोष मिल्नेछ । व्यवसायिक क्षेत्र लाभप्रद छ । भौतिक साधनको जोहो हुनाका साथै मनोरञ्जनात्मक क्रियाकलापमा सक्रिय हुने अवसर जुट्ने छ । प्राविधिक काममा विशेष सफलता प्राप्त हुनाले आत्मसन्तुष्टि प्राप्त हुनेछ । आभूषण, श्रृंगार, साजसज्जा, फेसनडिजाइन र सञ्चार क्षेत्रका व्यवसायीले राम्रो लाभ प्राप्त गर्नेछन् । पारिवारिक वातावरणमा हर्षको वातावरण बन्नेछ ।सहयोगीहरूले साथ दिनेछन् र काममा सोचेजस्तै सफलता मिल्नेछ । कृषिकर्म र व्यावसायिक काममा भने केही चुनौतीको सामना गर्नुपर्छ ।
बृष राशिकाे फलादेश
साताको मध्यभाग अलि कमजोर देखिए पनि समग्रमा उत्तम समय रहने छ । साताको प्रारम्भमा धर्मकर्ममा रुचि बढ्ने छ । मिष्ठान्न भोजन प्राप्त हुनेछ । पठनपाठनमा प्रगति हुनेछ । अरुले तपार्इंको प्रशंसा गर्नेछन् । गरेका कामको उच्च मूल्याङ्कन हुने छ । बोलीको कदर हुनेछ । प्रशंसा, बढुवा वा जिम्मेवारी मिल्ने देखिन्छ । सोमबारदेखि बुधबारसम्म राम्रो समय छैन । पारिवारिक वातावरण अनुकूल हुने छैन । मानसिक एवं बौद्धिक क्षमता कमी आउने छ । नजिकैका व्यक्तिबाट अपमान वा अपजस व्यहोर्नु पर्नेछ । आर्थिक पक्ष कमजोर देखिन्छ । अनायासै खर्च बढ्ने वा सामान हराउने सम्भावना पनि छ । तर साताको अन्त्यमा रोकिएका काम सम्पादन हुने र नयाँ काम पाइने योग छ । आम्दानी बढ्ने र उठ्नुपर्ने रकम हातलागी हुने समय छ । मान–सम्मान र प्रतिष्ठा बढ्नेछ । बोलीको भरमा काम सम्पादन हुनेछ । विचार र दर्शनका बलमा धेरैलाई आकर्षण गर्ने समय छ । नयाँ काममा हात हाल्ने समय छ । कृषि तथा पशुधनबाट लाभ लिन सकिने छ, त्यस्तै बन्दव्यापारमा समेत प्रशस्त फाइदा हुने योग छ । गरेका कामबाट राम्रै लाभ हुनेछ । श्रमको उचित मूल्याङ्कन होला ।
मिथुन राशिकाे फलादेश
सप्ताहान्तमा अनायासै खर्च बृद्धि हुने देखिए पनि तपाईंका लागि यो साता राम्रो रहने छ । कर्मक्षेत्रमा उच्च सफलता हासिल हुनेछ, हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ । पितृधनबाट फाइदा उठाउन सकिनेछ, आम्दानी बढ्ने छ । तर मौजमज्जा र रमणीयताका क्षेत्रमा धननाश हुने सङ्केत पनि छ । आत्मबल बढ्ने छ । मातापिता र अभिभावक वर्गसँगको सम्बन्ध सुमधुर रहने छ । समाजसेवाका कामबाट लाभ हुनेछ । सुखसुविधा र विलासिताका साथमा समय बित्नेछ । सरकार र राज्यपक्षबाट लाभ प्राप्त हुनेछ । पारिवारिक सुख मिल्नुका साथै अध्ययन–अध्यापनको क्षेत्रमा प्रगतिको खबर सुन्न पाउनु हुनेछ । न्यायिक वा प्रतियोगितात्मक क्रियाकलापमा विजय प्राप्त हुनेछ । तर बुधबारपछि खर्चमा नियन्त्रण गर्नुपर्छ । दुर्गमस्थान र टाढाको यात्रा सम्भावना छ, तर अनावश्यक यात्रा र झैझमेलाबाट जोगिनु राम्रो हुन्छ । कल्पना र भावनामा केन्दित भइने छ । बोलीको विपरीत अर्थ लाग्न सक्छ, मुखलाई नियन्त्रणमा राख्नुपर्छ । मनमा दोधारको अवस्था हुनसक्छ ।
कर्कट राशिकाे फलादेश
भाग्यस्थानमा रहेको चन्द्रमाका साथमा साताको प्रारम्भ भएकाले समग्रमा उत्साहबर्द्धक समय रहने छ । कुनै लाभमूलक यात्राको सम्भावना छ, धार्मिकस्थल, देवालय आदिको भ्रमण हुन सक्छ, फाइदा हुनुका साथै मनोरञ्जन समेत प्राप्त हुनेछ । सामाजिक कामबाट प्रशंसा प्राप्त हुनेछ । पुराना कुरा र यादमा कुनै समय यापन हुन सक्छ । सोमबार सामाजिक कार्यमा नेतृत्वदायी भूमिका वहन गर्नु पर्नेछ । कार्यक्षेत्रमा सफल भइने छ, हाकिम वा विशिष्ट व्यक्तिको विचारले प्रभावित तुल्याउन सक्छ । जग्गाजमिनको कारोबार गर्दा असल हुने सङ्केत छ । सामाजिक क्षेत्र र नोकरीबाट मानसम्मान मिल्नेछ । साताभरि सन्तान पक्षबाट पनि राम्रै सरसहयोग प्राप्त हुनेछ । पछाडि कुरा काट्ने शत्रु आफैं पराजित हुनेछन् । सद्भाव र प्रेममा उच्च सफलता प्राप्त हुने योग छ । पुराना इष्टमित्र र प्रेमीप्रेमिकाको मिलन हुने समय हो, यो साता । तर शनिबारका दिन राम्रो छैन, आकस्मिक यात्राको समय छ, तर यात्राबाट सोचेजस्तो प्रतिफल प्राप्त हुनेछैन । मनमा विरक्तिको भाव बहन सक्छ । बौद्धिक र प्राज्ञिक क्षमताको उपयोग हुन सक्दैन । उता तपाईंका कुरा काट्नेको कमी हुने छैन ।
सिंह राशिकाे फलादेश
राम्रो समय छैन । सन्तानका क्रियाकलापले दुःखी तुल्याउन सक्छ वा तिनको कामधाम र भविष्यका बारेमा घोत्लिन बाध्य हुनु पर्ने छ । छात्रछात्राले शिक्षाक्षेत्रमा उपलब्धी लिन सक्दैनन् । यात्रा गर्दा सचेतता र सावधानी अपनाएको राम्रो हुने छ, चोटपटकको भय छ । बोलीको प्रतिकूल एवं विपरीत अर्थ लाग्ने हुँदा सचेतता एवं संयमता अपनाउनु राम्रो हुन्छ । तर साताको उत्तरार्द्धमा पुराना साथीभाइसित अचानक भेटघाट हुने र आकस्मिक लाभ मिल्ने समय छ । कर्मसिद्धिको समय छ । सामूहिक नेतृत्व सम्हाल्ने मौका मिल्नेछ । व्यापारमा लाभ हुनेछ । समाजमा प्रतिभाको कदर हुनेछ । व्यापारमा प्रशस्त फाइदा हुनेछ । काममा मातापिताको सहयोग प्राप्त होला । मातापिता वा विशिष्ट व्यक्तिको विचारले प्रभावित तुल्याउन सक्छ । प्रतिष्ठित काम गर्ने मौका छ । अरूलाई प्रभावित पारेर काम बनाउने समय छ ।सुखद समाचार सुन्न पाइनेछ । स्वास्थ्य सबल रहनेछ र काममा पनि फाइदाको योग छ । पशुपालन तथा कृषि क्षेत्रबाट राम्रो लाभ मिल्ने योग छ । पढाइलेखाइमा प्रगति हुनेछ । बौद्धिक प्रतिस्पर्धामा विजयी भइनेछ ।
कन्या राशिकाे फलादेश
मिश्रित प्रभाव भएको साता छ, रसरङ्गमा समय बित्नेछ । मेवामिष्ठान्न खान पाइने र मनोरञ्जनमा रमाउन पाउनु हुनेछ । आत्मविश्वास र शीघ्र निर्णय गर्ने क्षमता अभिवृद्धि हुनेछ । विपरीतलिङ्गी सहयात्रीबाट प्राप्त सल्लाहबाट गरिएको कामबाट फाइदा हुनेछ । तर सोमबारपछि बुधबारसम्म कमजोर समय रहने छ । आमा वा मामाको स्वास्थ्यमा समस्या आउन सक्छ अथवा घरभित्र सानो विषयले ठूलो विवाद निम्त्याउन बेर लाउँदैन । व्यापारीहरूले हानी व्यहोर्नु पर्छ र कर्मचारीले अपजस व्यहोर्नु पर्छ । छात्रछात्रा रमाइलोमा भुलिने छन् । यात्रा घातक बन्न सक्छ, धेरै टाढा जानु हुँदैन । तर साताको अन्त्य अनुकूल नै देखिन्छ । मान्यजन र अभिभावक वर्गको सहयोगमा रोकिएका काम सम्पादन गर्न सघाउ पुग्नेछ । घरमा परपाहुना र अतिथिको आगमन हुनसक्छ । नयाँ ठाउँमा धन लगानी गर्ने वातावरण बन्नेछ । कुनै लाभदायक समाचार सुन्न पाइएला । हाकिम, मातापिता वा विशिष्ट व्यक्तिको विचारले प्रभावित तुल्याउन सक्छ । नोकरी अथवा व्यवसायसँग सम्बद्ध कुनै ठोस परिणाम देखा पर्नेछन् । तपाईंका सम्पूर्ण उद्यम र परिश्रमको राम्रो प्रतिफल प्राप्त हुनेछ ।
तुला राशिकाे फलादेश
राम्रो समय छैन । पेसागत र व्यवसायिक स्थिति बिग्रँदै जानेछ । आर्थिक समस्याले सङ्कट उत्पन्न हुनसक्छ । स्वास्थ्य सम्बन्धी विविध समस्याले मानसिक रूपमा विचलन ल्याउने छ । हडबड र शीघ्रताले काम गर्ने प्रवृत्तिमा नियन्त्रण गर्नु बेस हुन्छ । शरीरमा आलस्य र थकानको अनुभव हुनेछ । अप्रिय समाचार सुन्नु पर्दा मन खिन्न हुने स्थिति आउने छ । धन, धर्म र भाग्यमा हानी पुग्ने सम्भावना छ । गर्नु नपर्ने काम बढी समय लगाएर गर्नु पर्ला । अध्ययन, अध्यापन र लेखनमा खास अभिरुचि हुनेछैन । प्रतिकूल समयले घेरेको छ । सोमबारपछि बुधबारसम्म केही हदमा शुभ छ, जीवनसाथी वा विपरीतलिंगी मित्रसँग मन फुकाएर आफ्ना कुरा राख्न सकिने छ । घरमा माङ्गलिक कृत्य सम्पादन गर्ने समय छ । आगामी शनिबारका दिन कतै लामो दूरीको लाभदायी यात्रा गर्नु छ भने राम्रो हुन्छ । सामाजिक उत्तरदायित्व वहन गर्ने समय छ । परोपकार र धार्मिक क्षेत्रमा लगानी गरेमा अझ राम्रो हुनेछ । नयाँ काम र जिम्मेवारी हात पार्ने मौका छ ।
बृश्चिक राशिकाे फलादेश
प्राप्त गरेको ज्ञान अरुलाई बाँड्ने बेला हो, त्यसैले बौद्धिक तथा प्राज्ञिक गतिविधिमा व्यस्त रहेर आगामी दिनहरू व्यतीत हुनेछन् । परिणामका दृष्टिले मध्यम प्रकृतिको समय रहने छ । आफन्तबाट सहयोग र हौसला प्राप्त हुने छ । व्यवसायिक क्षेत्रबाट राम्रो लाभ प्राप्त हुनेछ । छोराछोरीबाट सन्तोष हुनेछ । सोमबारपछि बुधबारसम्म स्वास्थ्य प्रतिकूल रहने छ, अध्ययन, अध्यापन र लेखनको कार्यमा खासै तत्परता देखिँदैन । आफन्तले समेत कुरा सुन्न र समय दिन सक्दैनन् । मनमा अशान्ति र छटपटी व्याप्त हुने छ । आमा वा दिदीको स्वास्थ्यमा गडबडी भई दैनिक कामकाजमा असर पर्नसक्छ । तर सप्ताहान्त मनोरञ्जनपूर्ण रहने छ, लामो समयपछि रसरङ्गको चाहना पूर्ण हुनेछ । दाम्पत्य सम्बन्धमा सुमधुरताको प्राप्ति हुनेछ । बालबच्चाबाट पनि सुखसन्तोष प्राप्त हुनेछ । मेवामिष्ठान्न आदि खान पाइने र मनोरञ्जनमा भुलिन पाउनु हुनेछ । शनिबारको दिन चोटपटकको सम्भावना भएको दिन हो । कुम, कुइना वा घुँडामा चोट लाग्न सक्छ । सवारी साधन हाँक्दा सचेतता अपनाउनु बेस हुनेछ ।
धनु राशिकाे फलादेश
परिवार र पारिवारिक समस्या हल गर्ने समय हो । सुरुमा घरायसी वातावरणमा केही धमिलोपन आउने संकेत पनि छ । सामान्य कुराले पनि मन पिरोल्न सक्छ । मानसिक अशान्ति र बेचैनी हुने योग छ । पढाइलेखाइमा जाँगर चल्दैन । भरमा पार्नेहरूले धोका दिनसक्छन् । तर सोमबारदेखि बुधबारसम्म अनुकूल समय रहने छ, व्यवसायिक क्षेत्रबाट राम्रो लाभ प्राप्त हुनेछ । छोराछोरीबाट सन्तोष प्राप्त हुनेछ । दाजुभाइको प्रगतिको समाचार सुन्न पाइने छ । पारिवारिक जीवनमा खुसी, उमंग र उल्लासको वातावरण देखिने छ । साथीभाइ जम्मा हुने र मनोरञ्जन गर्ने अवसर मिल्नेछ । तर साताको अन्त्य खराब छ, कुरा काट्ने र बझाउने वा झगडा लाउनेहरूसित सतर्क रहनु बेस हुनेछ । परिवारमा पनि वैचारिक मतभेद देखापर्ने सम्भावना छ । जीवनसँगीसित ठाकठुक पर्न सक्छ । मानसिक तनावको सिर्जना हुनेछ । पेटमा खराबी हुनाले थकानको अनुभूति हुनेछ । तर आगामी शनिबारको दिन मनोरञ्जनपूर्ण समय रहनेछ । नयाँ ज्ञान सिक्ने मौका छ । व्यावसायिक यात्राको सम्भावना छ । दाम्पत्य जीवन सुखद तथा समृद्ध बन्नेछ । आम्दानी बढ्नेछ ।
मकर राशिकाे फलादेश
साताको मध्यभागमा केही घरायसी समस्यामा केन्द्रित हुनु परे पनि समग्रतामा राम्रै साता छ । भाइबहिनीका तर्फबाट खुसीको खबर प्राप्त हुने सम्भावना छ । धार्मिक र सामाजिक काममा समय बित्नेछ । दिनदुःखीलाई दिएको सहयोगले रोकिएको काम बन्न सक्छ । पशुपालक र दुग्धव्यवसायमा संलग्नहरूले लाभ प्राप्त गर्नेछन् । आफूलाई लाभ हुने कुनै विशेष खुशीको समाचार सुन्न पाइएला । राम्रो कामको लागि काम गर्ने वातावरण बन्नेछ । बौद्धिक क्षमताको प्रस्फुटन हुनाले सृजनात्मक क्षेत्रमा सफलता मिल्नेछ । भोगविलासमा मन जानेछ । समय रमाइलो गरी बित्नेछ । शनिबारका दिन झगडाको योग छ, काममा अधिकार प्राप्तिका लागि तर्क, बहस र छलफलमा दिन बिताउनु पर्नेछ । प्रतिस्पर्धी र शत्रुहरूको चलखेल बढ्नाले केही चुनौती र अपठ्याराको सामना गर्नुपर्छ ।
कुम्भ राशिकाे फलादेश
धनधान्य, सुखसम्मृद्धि र प्रसिद्धि जुटाउने समय चल्दैछ, त्यसैले यो साता विशेष महत्वको समय हुनेछ । भाँडाकुँडा, घरायसी बन्दोबस्तका सामान र सुनचाँदी जस्ता धातुको कारोवारबाट धेरथोर लाभ मिल्नेछ । बोलीमा पूर्ण प्रभाव छ, तर विवाद र झगडामा पछि हट्नु नै बेस हुनेछ । सामाजिक कार्यमा नेतृत्वदायी भूमिका वहन गर्नु पर्नेछ, जसबाट यश प्राप्त हुनेछ । बोलीको प्रभाव रहनाले काम बन्ने छ । सन्तति पक्ष र भाइबहिनीले खुसीको वातावरण सिर्जना गर्नेछन् । लेखन, प्रकाशन र ज्ञानगुनका क्षेत्रमा सक्रियता बढ्ने छ । बौद्धिक र सृजनात्मक सफलता मिल्नेछ । पारिवारिक जीवन सामान्य र सन्तोषप्रद रहने छ । धार्मिक सामाजिक कामको दायित्व थपिन सक्छ । तर बुधबारदेखि शुक्रबारसम्म परिवारभित्रका झिनामसिना काममा धेरै समय खर्चनु पर्नेछ । मनमा देखिने अस्थिरता अधैर्यताका कारण निर्णायक क्षमतामा कमी आउने छ । कामधन्दामा अर्काको भर नपर्नु नै राम्रो हो, परिवारकै सदस्यबाट धोका हुनसक्छ ।
मीन राशिकाे फलादेश
लगनशीलता र निष्ठाका साथमा काम गर्नुपर्छ, जे गरे पनि सफलता आर्जन गर्न सकिने छ, उत्तम सप्ताह छ । अन्न फलफूल आदि कृषिजन्य व्यवसायबाट राम्रो आर्थिक उपार्जन हुनेछ । नोकरी र बन्दव्यापारबाट सन्तुष्टि मिल्नेछ । उपहार पुरस्कार आदि मिल्नेछ । नयाँ काम गर्ने सोच बनाउनु भएको छ भने अनुकूल हुनेछ । नयाँ काममा हात हाल्ने समय भएकाले आफ्ना विचारलाई कार्यान्वयन गर्दा राम्रो हुन्छ । धन लगानी गर्ने अवसर पाउनुहुनेछ । सामाजिक कामबाट प्रशंसा प्राप्त हुनेछ । शुभ कुराको सङ्केत मिल्नेछ । कुनै देवालय, मठमन्दिर वा सार्वजनिक प्रतिष्ठानको दर्शन, भ्रमण वा अवलोकन हुनेछ । मित्रवर्ग र बन्धुवान्धवबाट राम्रो सहयोगको अपेक्षा गर्न सकिन्छ । तर शनिबारको दिन अनुकूल छैन, मनमा बसाइ सर्ने, सरुवा हुने वा व्यवसाय वा पेसामा परिवर्तनको धारणा पलाउन सक्छ । अनावश्यक खर्चको मात्रा बढ्ने छ । शरीरमा आलस्य जाग्नेछ । काम गर्न जाँगर लाग्दैन । प्रतिफल प्राप्त नहुने क्षेत्रमा लगानी हुनसक्छ । चिताएको काममा अप्ठ्यारा र चुनौतीको सामना गर्नुपर्छ । धैर्यले काम लिनुपर्छ ।
-ज्याेतिषसाथीबाट
