उपप्राध्यापक नारायणप्रसाद निरौला
ज्योतिषाचार्य, वास्तुविद्
श्रीगणेशाय नमः ।। आज विक्रम संवत् २०७८ साल, वैशाख महिनाको २६ गते तदनुसार ईशवीय सन् २०२१ अन्तर्गत मे महिनाको ९ तारिख, आइतवार हो । सृष्टिदेखि हालसम्म १,९५,५८,८५१२२ वर्ष व्यतीत भइसकेका छन् । कलिकालको ५१२२औँ वर्षअन्तर्गत श्री शालिवाहनीय शाके १९४३, तथा नेपाल संवत् ११४१ अन्तर्गत राक्षस नामको संवत्सर चलिरहेको छ ।
सूर्य उत्तरायणमा छन् । वसन्त ऋतुअन्तर्गत वैशाखकृष्णपक्षको त्रयोदशी तिथि बेलुका ८।११ बजेसम्म रहनेछ । यो महिनाका देवता मधुसूदन र मासदेवी मोहिनी हुन् । सूर्य मेष राशिमा र बृहस्पति मकर राशिमा रहेका छन् । रेवती नक्षत्र बेलुका ६।२६ बजेसम्म रहनेछन् । यसैगरी आज प्रीति योग र गर रहेका छन् । आज सूर्योदय बिहान ५।२१ मा छ भने सूर्यास्त बेलुका ६।४१ बजे हुनेछ । चन्द्रमा आज मीन राशिमा रहेका छन् ।
आज प्रदोषव्रत परेको छ । त्रयोदशीयुक्त सन्ध्याकालीन समय दोषयुक्त रहहने भएकाले आज केवल शिवजीको उपासना शुभ फलदायी रहनेछ ।
