काठमाडौं, ११ पुस । शहिद स्मारक ए डिभिजन लिग फुटबलमा आज दुई खेल हुँदैछन् । अखिल नेपाल फुटबल संघ एन्फाका अनुसार पहिलो खेलमा त्रिभुवन आर्मी क्लब र हिमालयन शेर्पा तथा दोस्रो खेलमा सरस्वती युथ क्लब र नेपाल पुलिस क्लबबीच प्रतिस्पर्धा हुनेछ ।
ललितपुरमा रहेको एन्फा कम्प्लेक्समा हुने पहिलो खेलमा आर्मी र शेर्पा क्लब मध्यान्न १२ बजे खेल्नेछ । यस्तै, दशरथ रंगशालामा पुलिस र सरस्वतीबीच दिउँसो ३ बजे प्रतिस्पर्धा हुनेछ । लिगमा एक जित र एक हार ब्यहोरेको आर्मीको ३ अंक छ । दुबै खेल बराबरी खेलेको शेर्पाको २ अंक छ । दिनको दोस्रो खेलमा भिड्न लागेको पुलिसको १ अंक रहँदा सरस्वतीले अहिले खाता खोल्न सकेको छैन ।
