काठमाडौं, ७ पुस । शहीद स्मारक ए डिभिजन लिगमा थ्री स्टार क्लबले विजयी सुरुवात गरेको छ ।
नेपाल पुलिस क्लबलाई दशरथ रंगशालामा सोमबार भएको खेलमा १–० गोलले पराजित गर्दै थ्री स्टारले विजयी सुरुवात गरेको हो । खेलको ८४ मिनेटमा सुनिल राईले थ्री स्टारका लागि गोल गरेका थिए । पुलिसविरुद्व जीत निकाल्न थ्रीस्टारलाई खेलको ८४ औं मिनेटसम्म कुर्नु परेको थियो । सुशान श्रेष्ठले दिएको पासलाई सदुपयोग गरेका सुनिलले पुलिसविरुद्वको महत्त्वपूर्ण जीतमा योगदान पुर्याएका हुन । पुलिस विरुद्ध जीत हात पारेको थ्री स्टारले २ खेलबाट ४ अंक बटुलेको छ भने पुलिसको १ अंक मात्र रहेको छ ।
