काठमाडौं, ७ पुस । काठमाडौंको मृत्यु सुकेधारामा बसको ठक्करबाट पशुपति बहुमुखी क्याम्पसमा अध्ययनरत छात्रा सृष्टि पन्तको मृत्यु भएको छ ।
बसको ठक्करबाट गम्भीर घाइते पन्तलाई उपचारका लागि चाबहिलस्थित ओम अस्पताल पुर्याए लगतै उनको मृत्यु भएको थियोे । भक्तपुर काठमाडौं चल्ने बा ४ ख ५९२० नम्बरको बसको ठक्करबाट सोमबार विहान पौने ६ बजे सृष्टि पन्तको ज्यान गएको महानगरीय प्रहरी आयुक्तको कार्यालयका प्रवक्ता श्यामलाल ज्ञवालीले जानकारी दिनुभयो । मृत्यु पछि आक्रोसित विद्यार्थीले गरेको प्रदर्शनबाट सुकेधारा चाबहिल क्षेत्रमा केहिबेर तनाव भएको थियो।
सहपाठीको मृत्यु भएपछि आक्रोसित विद्यार्थीहरुले काठमाडौं भक्तपुर चल्ने बा ४ ख ७१०४ नम्बरको अर्को बसमा आगजनी गरेका छन् । आगजनीबाट बसमा पूर्णरुपमा क्षति पुगेको छ । पशुपति क्याम्पस चाबहिलमा स्नातक चौथो वर्षमा अध्ययरत पन्त गोर्खा निवासी भएको प्रहरीले जनाएको छ ।
