काठमाडौँ, ३० मङ्सिर। नेपाली कांग्रेसको सोमबारको केन्द्रीय कार्यसमिति बैठक स्थगित भएको छ ।
पार्टीका वरिष्ठ नेता रामचन्द्र पौडेल समूह बैठकमा उपस्थित नहुने भएपछि समेबारका लागि बोलाइएको केन्द्रीय कार्यसमिति बैठक बस्दै नबसी स्थगित भएको हो । अर्को बैठक पुस २ गते दिउँसो १ बजेका लागि बोलाइएको छ । कांग्रेस संस्थापन पक्षले असन्तुष्ट समूहसँग थप छलफल गरेर गत बिहीबार बैठकमा पेस भएका एजेण्डाहरु सहमति मै पारित गर्नका लागि दुई दिन बैठक स्थगित गरिएको दाबी गरेको छ । पार्टी प्रवक्ता बिश्वप्रकाश शर्माले सहमतिका लागि शिर्ष तहबाट छलफल जारी रहेकाले सहमतिका लागि भन्दै बैठक स्थगीत गरिएको जानकारी दिनुभयो ।
सभापति देउवा १४ औं महाधिवेशनको कार्यतालिकाको विषय एजेण्डाका रुपमा ल्याउन अनिच्छुक देखिएपछि गत बिहीबारबाट वरिष्ठ नेता पौडेल समूह बैठक बहिष्कार गर्दै आएको थियो । वरिष्ठ नेता पौडेलले यसअघि पनि बिहीबार र आइतबार पनि बैठक बहिष्कार गरेका थिए ।
