राष्ट्रिय सभा चुनाव : ५६ मध्ये २४ जना निर्विरोध, ३२ जनाको लागि निर्वाचन हुने

राष्ट्रिय सभा चुनाव : ५६ मध्ये २४ जना निर्विरोध, ३२ जनाको लागि निर्वाचन हुने

काठमाडौँ । राष्ट्रियसभा सदस्यको यही माघ २४ गते हुने निर्वाचनमा उम्मेदवारी दिएकामध्ये पाँच राजनीतिक दलका २४ उम्मेदवार निर्विरोध चुनिएका छन् ।

निर्वाचन आयोगका अनुसार एमालेका ९, नेपाली काँग्रेसका ८, माओवादी केन्द्रका ३ तथा सघीय समाजवादी फोरम नेपाल राष्ट्रिय जनता पार्टी नेपालका २–२ उम्मेदवार निर्विरोध भएका हुन् । राष्ट्रियसभा सदस्य निर्वाचनमा उम्मेदवारी दिएका ८२ मध्ये २४ जना निर्विरोध भएपछि बाँकी ५६ जना चुनावी प्रतिस्पर्धामा छन् ।

एमाले उम्मेदवारमा परशुराम मेघी गुरुङ, हरिचरण शिवाकोटी, नैनकला ओझा, सुमनराज प्याकुरेल, कोमल ओली, मीना बुढा, शेरबहादुर कुँवर, इन्दु कडरिया र कमलाकुमारी ओली निर्विरोध ठहरिए । त्यस्तै काँग्रेसका तर्फबाट उम्मेदवार भएकामध्ये रमेशजंग रायमाझी, सरिता प्रसाईं, जीतेन्द्रनारायण देव, मुक्ताकुमारी यादव, प्रकाश पन्थी, अनिता देवकोटा, बद्री पाण्डे र तारादेवी भट्ट राष्ट्रियसभा सदस्यमा निर्विरोध चुनिए ।

आयोगका अनुसार माओवादी केन्द्रका तर्फबाट वीना पोखरेल, शशीकला दाहाल र हरिराम चौधरी निर्विरोध चुनिएका छन् । फोरमका रामपुत पासवान र प्रमिला कुमारी तथा राजपाका रमेशप्रसाद यादव र वृषेशचन्द्र लाल राष्ट्रियसभा सदस्यमा निर्विरोध चुनिएको आयोगका प्रवक्ता नवराज ढकालले जानकारी दिए ।