काठमाडौँ २४ फागुन-‘कमेडी किंग’ कपिल शर्माको चर्चित कमेडी सो ‘द कपिल शर्मा सो’ मा पूर्व मिस नेपाल नीकिता चाण्डकले अतिथी बन्ने अवसर पाएकी छन् ।
चाँडै अभिनेता विराज भट्टसँग चलचित्र ‘साङ्लो’ मा रोमान्स गर्न लागेकी उनले ‘द कपिल शर्मा सो’ का चर्चित कमेडियन किकु शारदा (बच्चा यादव) सँगको एक तश्बिर इन्स्टाग्राममा साझेदार गर्दै आफूलाई सोमा अतिथीको रुपमा निमन्त्रणा गरेकोमा धन्यवाद दिएकी छन् ।नीकिताले लेखेकी छन्, ‘मलाई ‘द कपिल शर्मा सो’ मा बोलाएकोमा किकु शारदा सर धन्यवाद ।
फेरि एकपटक भेट्न पाएकोमा खुसी छु ।’ उनले किकुको काम प्रतिको लगानशिलताको पनि मुक्तकण्ठले प्रशंसा गरेकी छन् । नीकिताले किकुकै भ्यानेटी भ्यानमा तश्बिर क्लिक गरेकी हुन् । नीकिताको कुराले किकु उनको मिल्ने साथी र यसअघि पनि धेरै पटक भेट भइसकेको आशय व्यक्त गर्छ ।
