काठमाडौं । राष्ट्रिय परीक्षा बोर्डले कक्षा ११ को नियमिततर्फको परीक्षाफल प्रकाशित गरेको छ । शनिबार साँझ सूचना जारी गर्दै बोर्डले परीक्षाफल प्रकाशन भएकाे जानकारी दिएकाे हाे ।
११ कक्षाका परीक्षाफल ग्रेडिङ प्रणालीमा सार्वजनिक भएको हो । बोर्डले असार १ गतेदेखि परीक्षा सञ्चालन गरेको थियो ।
परीक्षामा ३ लाख ४७ हजार ७४८ विद्यार्थी सहभागी भएकामा ७४ जनाको परीक्षा रद्द भएको छ । १ जनाको परीक्षाफल राेकिएकाे छ । बाेर्डले परीक्षाफल http://neb.ntc.net.np मा हेर्न सकिने जनाएको छ ।
परीक्षार्थीले कुनै एक विषयमा डी प्लस प्राप्त गरेका र कुनै एक विषयको परीक्षामा अनुपस्थित रहेका विद्यार्थीका लागि भने पुनः परीक्षा दिन पाउने बोर्डले व्यवस्था गरेको छ ।
