एजेन्सी, ८ माघ । युएईविरुद्ध एकदिवसीय र अन्तर्राष्ट्रिय क्रिकेट सिरिज खेल्न नेपाली टिम आज युएई प्रस्थान गर्दैछ ।
नेपाली टोली आज अपरान्ह ४ः३० बजे फ्लाई दुबई विमानबाट युएई प्रस्थान गर्ने कार्यक्रम छ । सिरिजका लागि पारस खड्काको कप्तानीमा १६ सदस्सीय नेपाली टोली त्यसतर्फ जान लागेको हो ।
आईसीसीबाट एकदिवसीय मान्यता पाएपछि दोस्रो एकदिवसीय क्रिकेट सिरिज खेल्न नेपाली टोली युएई जान लागेको हो । नेपालले युएईसँग ३ वटा एक दिवसीय र ३ वटा टी–२० क्रिकेटको सिरिज खेल्नेछ ।
नेपालले युएईसंग तीन खेलको एकदिवसीय र तीन खेलको टी-ट्वान्टी सिरिज खेल्दैछ । नेपालले युएईसंग पहिले एकदिवसीय सिरिज खेल्नेछ । नेपालले माघ ११, १२ र १४ गते एकदिवसीय सिरिज खेल्नेछ । यस्तै माघ १७, १८ र २० मा टी-ट्वान्टी सिरिज खेल्नेछ । सिरिज दुबईमा हुनेछ ।
यसैबीचमा बंगलादेश प्रिमियर लिग (बीपीएल) र अष्ट्रेलियाको बिग ब्यास लिग खेलेर युवा बलर सन्दीप लामिछाने स्वदेश फिर्ता भइसकेका छन् ।
