–ज्योतिषवाणी–
पौष १७ गते मङ्गलबार तदनुसार ई. सं. २०१९ जनवरी ०१ तारिख,आजको चाडपर्व र उत्सव : सफला एकादशी व्रत, अंग्रजी नयाँवर्ष सन् २०१९ प्रारम्भ,आजको मूहुर्त : रुद्राभिषेक(रुद्रीपूजा), कलशचक्र, पौष कृष्णपक्षको एकादशी तिथि, मध्यरात्रीपछि ०३:५५ बजेसम्म, त्यसपछि द्वादशी तिथि, स्वाती नक्षत्र, दिउँसो ११:५९ बजेसम्म, त्यसपछि विशाखा नक्षत्र,आजको चन्द्रमा तुला राशिमा, मध्यरात्रीपछि ०६:०२ बजेसम्म, त्यसपछि बृश्चिक राशिमा, सुकर्मा योग, बिहान ०७:१७ बजेसम्म, त्यसपछि धृति योग,सुरुमा बब करण साँझ ०४:१० बजेसम्म, त्यसपछि बालब करण मध्यरात्रीपछि ०३:५४ बजेसम्म, अन्तिममा कौलव करण,काठमाण्डौ, नेपालमा सूर्योदय : बिहान ०६:५६ बजे र सूर्यास्त : साँझ ०५:१८ बजे
मेष (चु, चे, चो, ला, लि, लु, ले, लो, अ)
व्यवसायमा वृद्धि हुनेछ, कार्यमा उन्नतिका साथै धातुजन्य वस्तु लाभदायी रहनेछन् । नयाँ ज्ञान सिक्ने मौका छ । व्यापार–व्यवसायमा विशेष लाभ लिने समय छ ।
बृष (इ, उ, ए, ओ, बा, बि, बु, बे, बो)
मित्र लाभ हुनेछ, धनको क्षेत्र सबल रहनुका साथै सुखद् यात्राको योग देखिन्छ । व्यापार तथा उद्योगतर्फ फाइदा हुने योग छ । वैदेशिक यात्रा पनि लाभदायक रहनेछ । समय मनोरञ्जनपूर्ण छ ।
मिथुन (का, कि, कु, घ, ङ, छ, के, को, ह)
आर्थिक उन्नति हुनेछ, व्यपारमा वृद्धि हुनुका साथै पारिवारिक सुख मिल्ने देखिन्छ । पढाइलेखाइमा प्रगति हुनेछ । बुद्धिको उपयोगले लक्ष्य पहिल्याउन सकिने छ । रचनात्मक कार्यमा जुट्दा प्रशस्तै फाइदा हुने समय छ ।
कर्कट (हि, हु, हे, हो, डा, डि, डु, डे, डो)
स्वास्थ्यमा प्रतिकूलता रहनेछ, कार्य अवरोधका साथै बोलमिा विकार रहने देखिन्छ । परिवारजन तथा बन्धु–बान्धवबीच सम्बन्ध चिसिन सक्छ ।
सिंह (मा, मि, मु, मे, मो, टा, टि, टु, टे)
मित्र लाभ हुनेछ, आर्थिक उन्नतिका साथै व्यवसायमा वृद्धि हुने देखिन्छ । । मित्रवर्ग र बन्धुवान्धवबाट सहयोगको अपेक्षा गर्न सकिन्छ ।
कन्या (टो, प, पि, पु, ष, ण, ठ, पे, पो)
कान्ति वृद्धि हुनेछ, कार्यमा सफलता मिल्नुका साथै सुखद् यात्राका योग पनि देखिन्छन् । आर्थिक क्रियाकलापमा सोचेको फाइदा नउठ्न सक्छ । प्रशंसकहरूले पनि आलोचना गर्नसक्छन् ।
तुला (र, रि, रु, रे, रो, ता, ति, तु, ते)
आर्थिक उन्नतिका योग देखिन्छन्, व्यवसायमा वृद्धि हुनुका साथै पारिवारिक सुख मिल्ने देखिन्छ । मनमा उत्साह र उमङ्गको कमी हुनेछैन । लेनदेन र व्यापारव्यवसायमा अभिबृद्धि हुनेछ ।
बृश्चिक (तो, ना, नि, नु, ने, नो, या, यि, यु)
मनमा चपलता रहनेछ, कार्यमा अस्थिरताका साथै खर्चमा वृद्धि हुने देखिन्छ । चुनौती देखिए पनि स्वाभिमानको रक्षा गर्न सकिने छ । दिगो आम्दानी हुने काम फेला पार्न सकिने छ ।
धनु (ये, यो, भ, भि, भु, ध, फा, ढ, भे)
व्यापारमा वृद्धि हुनेछ, कार्य लाभका साथै सुखद् यात्राका योग पनि देखिन्छन् । आम्दानीका नयाँ स्रोत फेला पर्नेछन् । आम्दानी बढ्ने र उठ्नुपर्ने रकम हातलागी हुने समय छ ।
मकर (भो, ज, जि, खि, खु, खे, खो, गा, गि)
आर्थिक पक्ष सबल रहनेछ, सामजिक कार्यमा मन जानुका साथै यात्राका योग पनि देखिन्छन् । लगनशीलताले कीर्तिमानी दिलाउन सक्छ । प्रतिष्ठित काम गर्ने मौका छ । अरूलाई प्रभावित पारेर काम बनाउने समय छ ।
कुम्भ (गु, गे, गो, सा, सि, सु, से, सो, द)
आर्थिक स्थिति सबल रहनेछ, कार्य लाभका साथै धार्मिक कार्यमा मन जानेछ । मनोरञ्जनमा भुलिने समय छ । बिग्रन लागेको काम पनि अन्त्यमा सफल भई छाड्ने छ ।
मीन (दि, दु, थ, झ, ञ, दे, दो, च, चि)
शत्रु पक्ष सबल रहने भएकाले कार्यमा अस्थिरता आउन सक्छ, स्वास्थ्यमा सजग रहनु नै उचित हुने देखिन्छ । प्रयत्न गरे पनि परिश्रम निरर्थक हुनेछ । आश्वासन बाँड्नेको भर पर्नु हुँदैन, झुक्याउन सक्छन् ।
