काठमाडौं । सरकारले राष्ट्रियसभा निर्वाचनको मिति आगामी माघ २४ गतेका लागि तोकेको छ । प्रधानमन्त्री निवास बालुवाटारमा आज बसेको मन्त्रिपरिषद् बैठकले निर्वाचन आयोगको परामर्श अनुसार राष्ट्रियसभा निर्वाचनको मिति माघ २४ गते तोकेको बैठकपछि अर्थमन्त्री ज्ञानेन्द्रबहादुर कार्कीले जानकारी दिनुभयो ।
केही समयअघि निर्वाचन आयोगका प्रमुख आयुक्त डा.आयोधिप्रसाद यादवसहितको टोलीले प्रधानमन्त्री शेरबहादुर देउवालाई भेटि आगामी माघ २४ गते गर्ने गरी राष्ट्रियसभा निर्वाचनको मिति घोषणा गर्न उपयुक्त हुने सुझाब दिएको थियो ।