काठमाडौँ, १६ मंसिर । मिस नेपाल शृङ्खला खतिवडा अहिले मिस वर्ल्ड प्रतिस्पर्धाका लागि चीनमा छिन् । चीनको सान्यामा मिस वर्ल्र्ड २०१८ को अन्तिम चरणको प्रतिस्पर्धा भइरहेको छ ।
यस अन्तर्गत हेड–टू–हेड च्यालेन्जको दोस्रो चरणमा खतिवडा पराजित भएकी छन् । पहिलो चरणमा समूह विजेता बनेकी मिस नेपाल शृङ्खला शनिबार बेलुका भएको दोस्रो चरणमा भने सिंगापुरकी प्रतिस्पर्धी भेनिसा पेहसँग पराजित भएकी हुन् ।
मिस सिंगापुर पेह विजेता बन्दै अन्तिम ३० का लागि छानिएकी छन् । शृङ्खलाका लागि अन्तिम ३० मा पर्ने बाटो भने सकिएको छैन । उनी मल्टिमिडिया वा ब्यूटी विथ पर्पज बिधा जितेर अन्तिम ३० मा पर्न सक्ने छिन् ।
