काठमाडौं, ६ मंसिर । प्रतिनिधिसभा अन्तर्गतको अर्थ समितिले विभिन्न बहुवर्षीय आयोजनाको विवरण ७ दिनभित्र पठाउन सरकारलाई निर्देशन दिएको छ । समितिको हिजो बसेको बैठकले ७ दिनभित्र समितिमा आइपुग्ने गरी ती आयोजनाको विवरण बुझाउन निर्देशन दिएको हो ।
संघ, प्रदेश र स्थानीय तहले, सञ्चालन गर्ने भनिएका आयोजना के आधारमा हस्तान्तरण हुने भन्ने विषय प्रष्ट पार्नका लागि ७ दिनभित्र आयोजनाका विवरण र हस्तान्तरणका मापदण्ड बुझाउन निर्देशन दिइएको समिति सभापति कृष्णप्रसाद दाहालले जानकारी दिनुभयो ।
