काठमाडौं । राष्ट्रपति रामचन्द्र पौडेलले आज दिउँसो ३ः३० बजे राष्ट्रका नाममा सम्बोधन गर्ने भएका छन्। राष्ट्रपतिका प्रेस सल्लाहकार किरण पोखरेलका अनुसार रसुवा र नुवाकोटका बाढीपहिरो प्रभावित क्षेत्रको अवलोकनपछि राष्ट्रपति पौडेलले सम्बोधन गर्न लागेका हुन्। उनको सम्बोधन नेपाल टेलिभिजनबाट प्रत्यक्ष प्रसारण हुनेछ।
राष्ट्रपति पौडेलले आजै बाढीपहिरो प्रभावित क्षेत्रको स्थलगत अवलोकन गरी भएको क्षति र मानवीय संकटबारे नेपाली सेना तथा अन्य अधिकारीसँग जानकारी लिएका थिए।
भदौ १० गते आएको बाढीपहिरोबाट रसुवा, नुवाकोट र धादिङमा ठूलो जनधनको क्षति भएको छ। घटनामा हालसम्म १ हजार ३ सय ५५ जनाको मृत्यु भएको र ४ हजार ९ सय ९६ जना अझै बेपत्ता रहेको जनाइएको छ।
