एजेनसी । चौथो संस्करणको राष्ट्रिय क्लब लिग भलिबल प्रतियोगिता पुसको पहिलो साता हुने भएको छ ।
नेपाल भलिबल संघले आज काठमाडौंमा पत्रकार सम्मेलन गर्दै प्रतियोगिता पुसको पहिलो सातादेखि पोखरामा आयोजना हुने जानकारी दिएको छ । पोखरा रंगशालामा हुने प्रतियोगिता पुस १ देखि ७ गतेसम्म संचालन हुनेछ । प्रतियोगितामा गत फागुन १३ गतेदेखि १९ गतेसम्म भएको एनभिए राष्ट्रिय क्लब च्याम्पियनसिपका उत्कृष्ट ८ टोलीले प्रतिस्पर्धा गर्नेछन् ।
