काठमाडौं । सरकारले संसद् अधिवेशन स्थगन गर्न राष्ट्रपति कार्यालयमा सिफारिस गरेको छ ।
बिहीबार बसेको मन्त्रिपरिषद् बैठकको निर्णयअनुसारको पत्र शीतलनिवास पठाइएको हो । राष्ट्रपति कार्यालय स्रोतका अनुसार सरकारको सिफारिस अनुसार नै अधिवेशन स्थगनको निर्णय भएको छ ।
‘सिफारिस पत्रमा जे आएको थियो, त्यही बमोजिम निर्णय भएको छ,’ स्रोतले जनाएको छ ।
यसअघि मन्त्रिपरिषद्को सिफारिसमा राष्ट्रपति रामचन्द्र पौडेलले वैशाख १७ गते दिउँसो २ बजेका लागि दुवै सदनको अधिवेशन आह्वान गरेका थिए ।
