काठमाडौं । ओमनमा जारी आईसीसी टी–२० विश्वकप एसिया–इस्ट एसिया प्यासिफिक छनोटको सुपर–सिक्स चरणमा नेपालले घरेलु टोली ओमनलाई ३८ रनले पराजित गरेको छ।
नेपालले दिएको १५२ रनको लक्ष्य पछ्याउने क्रममा ओमनले २० ओभरमा ९ विकेट गुमाएर ११३ रन मात्र बनाउन सफल भयो।
ओमनका विनायक शुक्लाले सर्वाधिक ३२ रन बनाएपनि टोलीलाई जित दिलाउन सकेनन्।
नेपालका बलरहरूमध्ये गुल्सन झाले ३ विकेट, सोमपाल कामी र नन्दन यादवले २–२ विकेट, र सन्दीप लामिछानेले १ विकेट हात पारे। टस जितेर ब्याटिङ गरेको नेपालले निर्धारित २० ओभरमा ९ विकेट गुमाएर १५१ रनको योगफल बनाएको थियो। ओपनर कुशल भुर्तेलले उत्कृष्ट प्रदर्शन गर्दै ५१ बलमा ६८ रन बनाए।
अन्य ब्याटरहरूको प्रदर्शनमा —
आसिफ शेख २४
कप्तान रोहित पौडेल १
दीपेन्द्रसिंह ऐरी २
कुशल मल्ल ७
आदिल आलम १६
नन्दन यादव ९
गुल्सन झा १८
र सोमपाल कामी १ रनमा अविजित रहे।
ओमनका नदिम खानले ४ विकेट लिएका थिए।
यस जितसँगै नेपालले ८ अंक जोड्दै शीर्ष स्थानमा उक्लिएको छ भने पराजित ओमन ६ अंकसहित दोस्रो स्थानमा झरेको छ। नेपालले अब आफ्नो अन्तिम खेल सोमाआसंग खेल्ने छ।
