जनकपुरधाम। मधेश प्रदेश सरकारको मुख्यमन्त्रीमा लोकतान्त्रिक समाजवादी पार्टी (लोसपा) का नेता जितेन्द्रप्रसाद सोनल (सोनल) नियुक्त भएका छन्।
नेपालको संविधान धारा १६८ को उपधारा २ अनुसार प्रदेश प्रमुख सुमित्रा सुवेदी भण्डारीले बुधबार साँझ सोनललाई मुख्यमन्त्री नियुक्त गरेकी हुन्।
सोनलले ६ दलको समर्थनमा ५७ प्रदेशसभा सदस्यको हस्ताक्षरसहित मुख्यमन्त्रीका लागि दाबी पेश गरेका थिए। त्यस्तै, कांग्रेसका नेता कृष्णप्रसाद यादवले पनि अलग दाबी पेश गरेका थिए।
