काठमाडौं, ३१ साउन । चार डिआइजीसहित नेपाल प्रहरीका २७ जना वरिष्ठ उपरीक्षक(एसएसपी)हरुको सरुवा भएको छ। प्रहरी प्रधान कार्यालय नक्सालले बुधबार डिआइजीसहित एससएपीहरुको सरुवा सार्वजनिक गरेको हो। भदौ महिनाको सेवा सुविधा सरुवा भएको ठाउँबाट नै पाउने गरी सरुवा भएको हो।
ललितपुर र काठमाडौंका प्रहरी प्रमुखहरु फेरिएका छन् । काठमाडौं प्रहरी परिसरको प्रमुखको जिम्मेवारीमा वसन्त लामालाई पठाइएको छ भने रविन्द्र धानुकलाई ललितपुर प्रहरी परिसरको प्रमुख बनाइएको छ ।
