काठमाडौं, १२ मंसिर । गत मंगलवार एपेन्डिसाइटिसको शल्यक्रिया गराउनुभएका प्रधानमन्त्री केपी शर्मा ओलीको स्वास्थ्य अवस्थामा सुधार आएको छ ।
यसैबीच ओलीले आज आफ्नो ट्वीटर ह्यान्डलबाट ट्वीट गर्दै आफ्नो स्वास्थ्यमा तीव्र सुधार भइरहेको बताउनुभएको छ । उहाँले आफ्नो स्वास्थ्यस्थिति बारे चासो राख्ने तथा शुभेच्छा प्रकट गर्नुहुने सबैलाई धन्यवाद व्यक्त गर्नुभएको छ।
बितेका दुई दिनयता म एपेन्डिसाइटिसको शल्यक्रिया गरी स्वास्थ्योपचार गराइरहेको छु । यतिबेला मेरो स्वास्थ्य तीब्र गतिमा सुधार भइरहेको छ । स्वास्थ्यस्थिति बारे चासो राख्नुहुने, शुभेच्छा प्रकट गर्नुहुने सम्पूर्ण दाजुभाइ तथा दिदीबहिनीहरुमा हार्दिक धन्यवाद व्यक्त गर्दछु ।
— K P Sharma Oli (@kpsharmaoli) November 28, 2019
