काठमाडौं । प्रतिनिधिसभाको बैठकमा अर्थमन्त्री डा. स्वर्णिम वाग्लेको राजीनामा माग गरिएको छ। मंगलबार बैठक सुरु हुनेबित्तिकै विपक्षी दलका सांसदहरूले उठेर विरोध जनाएका थिए।
त्यसपछि सभामुख डोलप्रसाद अर्यालले विपक्षी सांसदलाई बोल्ने समय दिएका थिए। सो क्रममा राष्ट्रिय प्रजातन्त्र पार्टी (राप्रपा) की सांसद खुसीबु ओलीले अर्थमन्त्री वाग्लेको राजीनामा माग गरेकी हुन्।
उनले संसद्मा टेबल भइसकेको आर्थिक विधेयकमा करका दरमा मनलाग्दी हेरफेर गरिएको भन्दै त्यसबारे निष्पक्ष छानबिन आवश्यक रहेको बताइन्।
ओलीले अर्थमन्त्री पदमा रहँदा छानबिन प्रभावित हुन सक्ने भन्दै तत्काल राजीनामा दिनुपर्ने धारणा राखिन्। उनले भनिन्, “अर्थमन्त्रीज्यूले जिम्मेवारीबाट अलग रहनुपर्छ।”
विपक्षी सांसदहरूले आर्थिक विधेयकमा भएको संशोधन प्रक्रिया पारदर्शी नभएको भन्दै संसदीय छानबिनको मागसमेत गरेका छन्।
